ବାଣପୁର: ପରାଧୀନ ଭାରତ ବର୍ଷରେ ଫିରିଙ୍ଗ ବିରୁଦ୍ଧରେ ଲଢ଼େଇ କରି ବାଣପୁରକୁ ତିନିଦିନ ପାଇଁ ଫିରିଙ୍ଗିମୁକ୍ତ କରି ସ୍ଵାଧୀନବାଣପୁର ଘୋଷଣା କରିଥିବା ଘଟଣା ଭାରତ ଇତିହାସରେ ପ୍ରଥମ। ଏହି ଅନାଲୋଚିତ ଐତିହାସିକ ଘଟଣାବଳୀକୁ ରାଜ୍ୟ ସରକାର ପାଠ୍ୟପୁସ୍ତକରେ ସ୍ଥାନ ଦେଇ ଜୁନ ୪.୫.୬ ତିନିଦିନ ବାଣପୁର ମୁକ୍ତି ଦିବସକୁ ସ୍ମରଣୀୟ କରିବାପାଇଁ ରାଜ୍ୟସ୍ତରୀୟ ମୁକ୍ତି ଦିବସ ଭାବରେ ପାଳନ କଲେ ବୀର ବିପ୍ଲବୀ ସହୀଦ କୃତ୍ତିବାସଙ୍କ ପ୍ରତି ସମୁଚିତ ଶ୍ରଦ୍ଧାଞ୍ଜଳି ହେବ ବୋଲି ସମାରୋହରେ ଉପସ୍ଥିତ ଅତିଥି ବର୍ଗ ଓ ବୁଦ୍ଧିଜୀବି ବକ୍ତବ୍ୟ ରଖି ଏ ସଂପର୍କରେ ଗଣମାଧ୍ୟମର ବଂଧୁମାନେ ରାଜ୍ୟସରକାରଙ୍କ ଦୃଷ୍ଟି ଆକର୍ଷଣ କରିବାକୁ ଅନୁରୋଧ କରି ସହୀଦ କୃତ୍ତିବାସଙ୍କୁ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ଜୁନ ୪ ରେ ଐତିହାସିକ ପଲଟଣ ପଡ଼ିଆରେ ମୁକ୍ତି ପତାକା ଉତ୍ତୋଳନରୁ ଆରମ୍ଭ ହୋଇଥିବା ଏହି ସମାରୋହ ବହୁ ଆଲୋଚନାଚକ୍ର, ଦେଶାତ୍ମବୋଧକ କବିତା ପାଠୋତ୍ସବ, ପାଇକ କବିତା ଆବୃତ୍ତି, ବିଭିନ୍ନ ଐତିହାସିକ ଙ୍କ ଦ୍ଵାରା ରଚ଼ିତ ଓଡ଼ିଶା ଇତିହାସରେ ଉଲ୍ଲିଖିତ ପାଇକ ବିଦ୍ରୋହ ସହିତ ବିଭିନ୍ନ ପତ୍ର ପତ୍ରିକାରେ ରେ ପ୍ରକାଶିତ କବି, ଗାଳ୍ପିକ, ନାଟ୍ୟକାରଙ୍କ ରଚିତ ଏ ସଂପର୍କିତ କବିତା, ପ୍ରବନ୍ଧଓ ନାଟକଉପରେ ପର୍ଯ୍ୟାଲୋଚନା ଇତ୍ୟାଦି କାର୍ଯ୍ୟକ୍ରମ ଶେଷରେ ଜୁନ୍ ୬ଅପରାହ୍ନରେ ସହୀଦ କୃତିବାସ ଭବନରେ ଉଦଯାପନ ଦିବସ ଅନୁଷ୍ଠିତ ହୋଇଥିଲା।
ସମାରୋହର ଆବାହକ ବାଣପୁର ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷ ମିଟୁନାୟକଙ୍କ ସଭାପତିତ୍ୱରେ ଏବଂ ମୁକ୍ତି ଦିବସ ସ୍ମାରକୀ କମିଟିର ସଂପାଦକ କବିବାଳମୁକୁନ୍ଦ ଦାସଙ୍କ ପରିଚାଳନାରେ ଆୟୋଜିତ ଏ ଉତ୍ସବ ରେ ମୁଖ୍ୟ ଅତିଥି ଭାବରେ ବିଶ୍ୱମୁକ୍ତି ସାହିତ୍ୟ ପତ୍ରିକାର ସଂପାଦକ କବି ପ୍ରଫେସର ଶଶାଙ୍କ ଶେଖର ଚୂଡ଼ାମଣି, ସମ୍ମାନୀତ ଅତିଥି ଭାବରେ ନିଖିଳ ଉତ୍କଳ ପାଇକ ସଂଘର ସଭାପତି ଅଶୋକ ପାଲଟାସିଂ, ରାଜ୍ୟପାଇକ ଆଖଡ଼ା ମହା ସଂଘର ସଂପାଦକ ଗୁରୁକେଦାରନାଥ ଦାସ, ଅବସରପ୍ରାପ୍ତ ସେନା କର୍ମଚାରୀ ସଂଘର ସଭାପତି କୃଷ୍ଣଚନ୍ଦ୍ର ନାହାକ ଏବଂ, ବାଲୁଗାଁ ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ଲକ୍ଷ୍ମୀଧର ସୁବୁଦ୍ଧି ଯୋଗ ଦେଇ ବକ୍ସି ଜଗବଂଧୁଙ୍କ ଡାକରାରେ ବାଣପୁର ମାଟିରେ ସଂଗଠିତ ପ୍ରଥମ ପାଇକ ବିଦ୍ରୋହ ଏବଂ ଏହାର ମହାନାୟକ ଭାଟପଡ଼ା ଗଡ଼ର ଦଳବେହେରା ଦୀନବନ୍ଧୁ ମହାରଥା ସାମନ୍ତରାୟ, ଶ୍ୟାମସୁନ୍ଦର ପାଟଶାଣୀ, ଏବଂ୧୮୩୬ ବିଦ୍ରୋହର ସେନାପତି ଅରାଙ୍ଗଗଡ଼ର ଦଳବେହେରା ବିପ୍ଳବୀ କୃତ୍ତିବାସ ପାଟଶାଣୀ, ରାଜାପଞ୍ଚାନନ ନାୟକ ଓରଫ ଶରଣ ସିଂ, ପାଇକସର୍ଦ୍ଦାର ଲୋଚନ ବିଶୋଇ, ଶିବ ବିଶୋଇ, ଦୀନାଜାନୀ, ସାଧୁଜାନୀଙ୍କ ମାଟିର ମୁକ୍ତିପାଇଁ ତ୍ୟାଗ ଓ ବଳିଦାନ ସଂପର୍କରେ ଦିକ୍ଷାନ୍ତ ବ୍ୟକ୍ତବ୍ୟରଖି ଇତିହାସର ଏହି ବିରଳ ଦୃଷ୍ଟାନ୍ତମୂଳକ ଘଟଣାବଳୀକୁ ସମ୍ମାନ ଜଣାଇ ରାଜ୍ୟ ଓ କେନ୍ଦ୍ର ସରକାର ଏହା ଉପରେ ଅଧିକ ପର୍ଯ୍ୟାଲୋଚନା ପୂର୍ବକ ଭାରତ ଇତିହାସ ପୃଷ୍ଠାରେ ଏହାକୁ ସ୍ଥାନ ଦେବାକୁ ନିବେଦନ କରି ସହୀଦଙ୍କୁ ଶୁଦ୍ଧାଞ୍ଜଳି ଅର୍ପଣ କରିଥିଲେ।
ଉତ୍ସବ ଆରାମ୍ଭରୁ ବିଶିଷ୍ଟ କବି ପୁରୁଷୋତ୍ତମ ମହାପାତ୍ରଙ୍କ ସଭାପତିତ୍ୱରେ ଏବଂ ଅଧ୍ୟାପକ ସର୍ବେଶ୍ଵର ଷଡ଼ଙ୍ଗୀ ଓ କବିଶିଶିର କୁମାର ଦାସଙ୍କ ସଂଯୋଜନାରେ ମନୋଜ୍ଞ ଦେଶାତ୍ମବୋଧକ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା।
କବି ବିଚିତ୍ରାନନ୍ଦ ବେହେରା, ରଙ୍କନାଥ ସେଠୀ, ଆନନ୍ଦଚନ୍ଦ୍ର ସେନାପତି, ଶଶିଭୂଷଣ ବରାଳ , ପ୍ରଭାତ କୁମାର ବେହେରା, ଭିକାରୀଚରଣ ପ୍ରଧାନ, ମହେଶ୍ୱର ଜେନା, ସଂଧ୍ୟାଦେବୀ, ଅଧ୍ୟାପିକା ସସ୍ମିତା ପାଣିଗ୍ରାହୀ, ସ୍ମୃତି ପଟ୍ଟନାୟକ, ଦେବା ଶୀଷ ପଟ୍ଟନାୟକ, ପ୍ରମୋଦ କୁମାର ମହାପାତ୍ରଙ୍କ ସମେତ ସ୍ଥାନୀୟ ଅଞ୍ଚଳର ବହୁ ସାରସ୍ଵତ ପ୍ରତିଭା ସ୍ୱରଚିତ କବିତା ପାଠ କରି ଉତ୍ସବରେ ଏକ ଦେଶପ୍ରେମ ଭାବନାର ସିହରଣ ସୃଷ୍ଟି କରିଥିଲେ।
ଶେଷରେ ମୁକ୍ତିପତକା ଅବତରଣ କରାଯାଇ ସମାରୋହ ଉଦଯାପିତ ହୋଇଥିଲା।