ନାକଟିଦେଉଳ (କନ୍ଦର୍ପ ବେହେରା): ଗ୍ରାମୀଣ ଜୀବିକା ମିଶନ ମାଧ୍ୟମରେ ସରକାର କରିଥିବା ବିଭିନ୍ନ ଯୋଜନାକୁ ସଫଳ କରିବା ପାଇଁ ବୁଧବାର ଏକ ଲକ୍ଷପତି ଦିଦି କର୍ମଶାଳା ଅନୁଷ୍ଠିତ ହୋଇଯାଇଛି। ନାକଟିଦେଉଳ ବ୍ଲକ୍ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଥିବା ଏହି କର୍ମଶାଳାରେ ଜିଲ୍ଲା ଜୀବିକା ମିଶନ ଜିଲ୍ଲା ପ୍ରକଳ୍ପ ସଂଯୋଜକ ସଂଜୟ ମହାପାତ୍ର, ଅରମାସ୍ ଯୁଗ୍ମ ସିଇଓ ଶ୍ରୀମନ୍ତ ହୋତା, ରେଢାଖୋଲ ଉପଜିଲ୍ଲାପାଳ ରଶ୍ମିରଞ୍ଜନ ମହନ୍ତ, ନାକଟିଦେଉଳ ତହସିଲଦାର ଅମର ଜେ ଡୁଙ୍ଗଡୁଙ୍ଗ୍, ବିଡିଓ ଆକାଶ ରଞ୍ଜନ ସାହୁ, ବ୍ଲକ୍ ଅଧ୍ୟକ୍ଷା ସ୍ବରୂପା ରାଣୀ ସାହୁ, ସାଂସଦ ପ୍ରତିନିଧି ନେତ୍ରାନନ୍ଦ ରାଉଳ, ନାକଟିଦେଉଳ ଡିଗ୍ରୀ କଲେଜ ଅଧ୍ୟକ୍ଷ ସୁଧିର କୁମାର ସାହୁ, ଉଚ୍ଚମାଧ୍ୟାମିକ ବିଦ୍ୟାଳୟ ଅଧ୍ୟକ୍ଷ ହେମାନନ୍ଦ ପ୍ରଧାନ, ସିଡିପିଓ ରେବତୀ ବେହେରା ପ୍ରମୁଖ ଯୋଗ ଦେଇଥିଲେ।
ତେବେ ମହିଳା ସଶକ୍ତିକରଣ ଓ ସାମାଜିକ ନିରାପତା ବୃଦ୍ଧି ପାଇଁ ମହିଳାମାନେ କିପରି ରୋଜଗାରକ୍ଷମ ହୋଇପାରିବେ ସେନେଇ ସେ ସଂପର୍କରେ ମହିଳା ମାନଙ୍କୁ ଅବଗତ କରାଯାଇଥିଲା। ଏହି ଅବସରରେ ଲକ୍ଷପତି ଦିଦି ମାନେ ନିଜ ଗୋଷ୍ଠିର ମହିଳା ମାନେ ନିଜସ୍ବ ଉତ୍ପାଦିତ ସାମଗ୍ରୀ ଷ୍ଟଲ୍ ଲଗାଇଥିଲେ ଏବଂ ଏହାକୁ ଅଧିକାରୀ ମାନେ ପରିଦର୍ଶନ କରିଥିଲେ। ଏଥିରେ ବିଭିନ୍ନ ପଞ୍ଚୟତରୁ ୧୮ଟି ଗୋଷ୍ଠି ଲକ୍ଷପତି ଦିଦି ପ୍ରତିଯୋଗିତା ଅଂଶଗ୍ରହଣ କରିଥିଲେ। ସେଥିମଧ୍ୟରୁ ୪ଟି ଗୋଷ୍ଠିକୁ ପୁରସ୍କ୍ରୁତ କରାଯାଇଥିଲା।
ଏଥିରେ ଏବିଡିଓ ବିଦ୍ୟାଧର ରାଉତରାୟ, ବ୍ଲକ୍ ସମାଜିକ ସୁରକ୍ଷା ଅଧିକାରୀ ଉଦିତ୍ ଶେଖର ସାହୁ, ବିଭିନ୍ନ ବିଭାଗର ଅଧିକାରୀଙ୍କ ସହ ସାହେବୀ ସରପଞ୍ଚ ରାମପ୍ରସାଦ ସାହୁ, ନାକଟିଦେଉଳ ସରପଞ୍ଚ ଜିତେନ୍ଦ୍ର ସାହୁ, ପାଣିମୁରା ସରପଂଚ ଜଗନ୍ନାଥ ସାହୁଙ୍କ ଏବଂ ବିଭିନ୍ନ ପଞ୍ଚାୟତର ସରପଞ୍ଚ, ବ୍ଲକ୍ ର ସମସ୍ତ ଏମବିକେ, ସିଆରପି, ବ୍ୟାଙ୍କମିତ୍ର, ପ୍ରାଣୀମିତ୍ର ଓ ମିଶନଶକ୍ତିର ମହିଳା ମାନେ ଯୋଗଦେଇଥିଲେ। ଆକାଂକ୍ଷି ବ୍ଲକ୍ ଯଂଯୋଜକ କୃଷ୍ଣଚନ୍ଦ୍ର ପଣ୍ଡା କାର୍ଯ୍ୟକ୍ରମକୁ ପରିଚାଳନା କରିଥିଲେ।
ବ୍ଲକ୍ କାର୍ଯ୍ୟକ୍ରମ ସଂଯୋଜକ ସୌମ୍ୟରଂଜନ କମ୍ପ ଧନ୍ୟବାଦ ଦେଇଥିଲେ।