ପୁରୀ: ରାଜ୍ୟପାଳ ଡକ୍ଟର ହରିବାବୁ କମ୍ଭମପାଟି ଆଜି ପୁରୀ ରେଳ ଷ୍ଟେସନର ନବୀକରଣ କାର୍ଯ୍ୟ ସମୀକ୍ଷା କରିଛନ୍ତି। ରାଜ୍ୟପାଳ ଷ୍ଟେସନ ପରିସରରେ ଚାଲିଥିବା ଉନ୍ନତିକରଣ କାମ ବୁଲି ଦେଖିବା ସହିତ ବିଭାଗୀୟ ଅଧିକାରୀମାନଙ୍କ ସହ ଆଲୋଚନା କରିଛନ୍ତି। ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବଙ୍କ ଅନୁରୋଧ କ୍ରମେ ରାଜ୍ୟପାଳ ଷ୍ଟେସନ ବିକାଶ କାମର ଅନୁଧ୍ୟାନ କରିଛନ୍ତି।
ମାର୍ଚ୍ଚ ୨୦୨୭ ସୁଦ୍ଧା ପୁରୀ ରେଳ ଷ୍ଟେସନର ସମସ୍ତ ଉନ୍ନତୀକରଣ କାମ ଶେଷହେବ ବୋଲି ରେଳ ଅଧିକାରୀମାନେ ରାଜ୍ୟପାଳଙ୍କୁ ସୂଚନା ଦେଇଛନ୍ତି। ପୁରୀକୁ ଆସୁଥିବା ଶ୍ରଦ୍ଧାଳୁଙ୍କ ମଧ୍ୟରୁ ୭୦ରୁ ୮୦ ପ୍ରତିଶତ ଲୋକ ଟ୍ରେନ ଯୋଗେ ଆସୁଥିବାରୁ ଯଥାଶୀଘ୍ର ପୁରୀ ଷ୍ଟେସନର ନିର୍ମାଣ କାମ ସାରିବାକୁ ରାଜ୍ୟପାଳ ପରାମର୍ଶ ଦେଇଛନ୍ତି।