ଓମାନ ଉପକୂଳରେ ବୁଡ଼ିଗଲା ଭାରତୀୟ ଜାହାଜ?: ୧୪ କ୍ରୁ ସଦସ୍ୟଙ୍କୁ ଉଦ୍ଧାର କଲା ଆମେରିକୀୟ ନୌସେନା

ନୂଆଦିଲ୍ଲୀ: ଇରାନ ଏବଂ ଆମେରିକା ମଧ୍ୟରେ ଉତ୍ତେଜନା ଯୋଗୁଁ ହର୍ମୁଜ୍ ପ୍ରଣାଳୀରେ ପରିସ୍ଥିତି ଗମ୍ଭୀର ଥିବା ବେଳେ ଆଜି ଖବର ପ୍ରକାଶ ପାଇଛି ଯେ, ଭାରତୀୟ ପତାକାଯୁକ୍ତ ଜାହାଜ ‘ବିରାଟ’ ଓମାନ ଉପକୂଳରେ ଯାନ୍ତ୍ରିକ ତ୍ରୁଟି ଯୋଗୁଁ ବୁଡ଼ିଯାଇଛି। ଏହି ଘଟଣା ପରେ ଓମାନ କର୍ତ୍ତୃପକ୍ଷ, ଆମେରିକୀୟ ନୌସେନା ଏବଂ ନିକଟବର୍ତ୍ତୀ ବାଣିଜ୍ୟିକ ଜାହାଜ ସହାୟତାରେ ଏକ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଥିଲା। ଏହି ଘଟଣା ଜୁନ୍ ୧୪ ତାରିଖ ସକାଳେ ଓମାନର ରାସ୍ ଅଲ୍ ହଦ୍ ଠାରୁ ପ୍ରାୟ ୮୦ ନଟିକାଲ୍ ମାଇଲ୍ ପୂର୍ବରେ ଘଟିଥିଲା। ‘ବିରାଟ’ ୧୪ ଜଣ ଭାରତୀୟ କ୍ରୁ ସଦସ୍ୟଙ୍କୁ ନେଇ ଯାଉଥିଲା।