ଜଗତସିଂହପୁର: ଜଗତସିଂହପୁର ଜିଲ୍ଲାରେ ବେଆଇନ ବାଲି କାରବାର ବିରୋଧରେ ପ୍ରଶାସନର ବଡ଼ କାର୍ଯ୍ୟାନୁଷ୍ଠାନ। ବିରିଡି ବ୍ଲକର ଶଙ୍ଖାରୀସାହି ଅଞ୍ଚଳରେ ଗଚ୍ଛିତ ଥିବା ୫୦୦ରୁ ଅଧିକ ଟ୍ରିପ୍ ବାଲିକୁ ପ୍ରଶାସନ ଜବତ କରିଛି।
ସୂଚନା ଅନୁସାରେ, ଜବତ ବାଲିର ଆନୁମାନିକ ମୂଲ୍ୟ ୧ କୋଟି ଟଙ୍କାରୁ ଅଧିକ। ଘଟଣାସ୍ଥଳରେ ପ୍ରଶାସନ ପକ୍ଷରୁ ଧାରା ୧୬୩ ଜାରି କରାଯାଇଥିବାବେଳେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି।
ଜବତ ହୋଇଥିବା ବାଲିକୁ ପ୍ରଶାସନ ନିଲାମ କରିବା ପାଇଁ ପଦକ୍ଷେପ ନେଉଥିବା ସୂଚନା ମିଳିଛି। ଏହି ଚଢ଼ାଉ ପରେ ବେଆଇନ ବାଲି କାରବାର ସହ ଜଡ଼ିତ ଲୋକଙ୍କ ମଧ୍ୟରେ ହଡ଼କମ୍ପ ସୃଷ୍ଟି ହୋଇଛି।