ରେଢ଼ାଖୋଲ (କନ୍ଦର୍ପ ବେହେରା): ରେଢ଼ାଖୋଲ ବ୍ଲକ ବଡମାଳ ପଂଚାୟତରେ ଏକ ଡିଗ୍ରୀ କଲେଜ ସ୍ଥାପନ ପାଇଁ ଆଜି ଜୟ ଜଗନ୍ନାଥ ଯୁକ୍ତ ଦୁଇ କଲେଜ ପରିସରରେ ପ୍ରଥମ ସାଧାରଣ ସଭା ଅନୁଷ୍ଠିତ ହୋଇଛି। ଆଜି ସର୍ବସମ୍ମତିକ୍ରମେ ପରିଚାଳନା କମିଟି ଗଠିତ ହୋଇଥିଲା। ବ୍ଲକ ଅଧକ୍ଷ ପ୍ରଦୀପ ପ୍ରଧାନଙ୍କ ସଭାପତିତ୍ବରେ ଅନୁଷ୍ଠିତ ସଭା କୁ ଜୁନିଅର କଲେଜ ଅଧକ୍ଷ ରାଜେଶ ଦାସ ପରିଚାଳନା କରିଥିଲେ।। ଆଜକୁ ତିରିଶ ବର୍ଷ ପୂର୍ବେ ଉପାନ୍ତ ବଡ଼ମାଳ ରେ ଅଂଚଳ ବାସି ସହଯୋଗ ରେ ରେଢ଼ାଖୋଲ ବ୍ଲକ ର ପ୍ରଥମ ଯୁକ୍ତ ଦୁଇ କଲେଜ ସ୍ଥାପନ କରାଯାଇଥିଲା।
ପରବର୍ତ୍ତୀ ସମୟରେ କଲେଜ ସରକାରୀ ମାନ୍ୟତା ପାଇ ବହୁ ଖ୍ୟାତି ଅର୍ଜନ କରିଛି। ଉଚ୍ଚ ଶିକ୍ଷାରୁ ବଞ୍ଚିତ ଉପାନ୍ତ ଅଂଚଳ ର ବହୁ ଛାତ୍ର ଛାତ୍ରୀ ଉଚ୍ଚ ଶିକ୍ଷା ପାଇ ଉଚ୍ଚ ପଦ ପଦବୀ ହାସଲ କରିପାରିଛନ୍ତି। ଏଠାରୁ ୪୦ କିମି ଦୂର ପର୍ଯ୍ୟନ୍ତ କୌଣସି ଡିଗ୍ରୀ କଲେଜ ନ ଥିବାରୁ ବହୁ ଛାତ୍ର ଛାତ୍ରୀ ଯୁକ୍ତ ଦୁଇ ପରଠୁ ପାଠ ପଢା ରେ ଡୋରି ବାନ୍ଧୁ ଛନ୍ତି। ଏଣୁ ଏଠାରେ ଏକ ଡିଗ୍ରୀ କଲେଜ ସ୍ଥାପନ ପାଇଁ ଆଜି ପ୍ରଥମ ସାଧାରଣ ସଭା ଅନୁଷ୍ଠିତ ହୋଇଥିଲା।
ଅଂଚଳର ବହୁ ଶିକ୍ଷାବିତ ଓ ଶିକ୍ଷା ପ୍ରେମୀ ଏହି ବୈଠକ ରେ ଯୋଗଦାନ କରି ନିଜ ମତ ରଖିଥିଲେ। ରେଙ୍ଗାଲି, ବଡମାଳ, ଭାଲିଆ କଟା, ରେଙ୍ଗାଲି, ଗରଗଡ଼ବାହାଲ ର ଶିକ୍ଷା ପ୍ରେମୀ ଯୋଗଦାନ କରିଥିଲେ। ସଭାପତି ଭାବେ ମଧୁସୂଦନ ସାହୁ, ସମ୍ପାଦକ ଭାବେ ଲବଣୀଧର ସାହୁ, କୋଷାଧକ୍ଷ ଭାବେ ରିକେଶ ଅଗ୍ରୱାଲ, ଆଇନ ପରାମର୍ଶ ଦାତା ଭାବେ ଓକିଲ ରୁଦ୍ର ପ୍ରସାଦ ଧଳ, ଜନ ସମ୍ପର୍କ ଅଧିକାରୀ ଭାବେ ଷଡ଼ାନନ ପ୍ରଧାନ ଙ୍କୁ ଚୟନ କରାଯାଇଥିଲା।
ଭାଲିଆକଟା ପଞ୍ଚାୟତ ଅଧିବାସୀ ଗୁରୁବାରୀ ମାଝୀ ମହାବିଦ୍ୟାଳୟ ସ୍ଥାପନ ପାଇଁ ଆବଶ୍ୟକ ସମସ୍ତ ଅର୍ଥ ରାଶି ଦାନ ସୂତ୍ରରେ ପ୍ରଦାନ କରିବାକୁ ସମ୍ମତି ପ୍ରକାଶ କରିଥିଲେ। ତାଙ୍କ ସ୍ୱାମୀ ସ୍ବର୍ଗତ ପ୍ରହଲ୍ଲାଦ ମାଝୀ ଙ୍କ ନାମରେ ନାମକରଣ କରାଯିବାକୁ ବୈଠକ ରେ ସ୍ଥିର ହୋଇଥିଲା। ଶେଷରେ ଷଡ଼ାନନ ପ୍ରଧାନ ଧନ୍ୟବାଦ ଅର୍ପଣ କରିଥିଲେ।