ନୂଆଦିଲ୍ଲୀ: ନୂତନ ଶିକ୍ଷାମନ୍ତ୍ରୀଙ୍କ ଉପରେ ପ୍ରିୟଙ୍କା ଗାନ୍ଧୀଙ୍କ ବୟାନ ସଂସଦରେ ହଙ୍ଗାମା ସୃଷ୍ଟି କରିଛି। ପ୍ରିୟଙ୍କା ଗାନ୍ଧୀ କହିଛନ୍ତି ଯେ, “ଯେଉଁଠାରେ ଆଖିରେ ଲଜ୍ଜା ରହିବା ଉଚିତ ଥିଲା, ସେଠାରେ ଢୋଲ ବଜାଇ ସ୍ୱାଗତ କରାଯାଉଛି। ନୂତନ ଶିକ୍ଷାମନ୍ତ୍ରୀ ମହିଳାଙ୍କ ବିରୁଦ୍ଧରେ ଅପମାନଜନକ ଭାଷା ବ୍ୟବହାର କରିଛନ୍ତି। ତାଙ୍କୁ କେହି କିପରି ବିଶ୍ୱାସ କରିପାରିବେ?” କିରେନ ରିଜିଜୁ ପ୍ରତିକ୍ରିୟା ଦେଇଥିଲେ ଯେ, “ପ୍ରିୟଙ୍କା ଗାନ୍ଧୀ ନୂତନ ଶିକ୍ଷାମନ୍ତ୍ରୀ ପ୍ରହଲ୍ଲାଦ ଜୋଶୀଙ୍କ ବିଷୟରେ ଏହା କହି ଭୁଲ କରିଛନ୍ତି। ତାଙ୍କୁ କ୍ଷମା ମାଗିବା ଉଚିତ।”
ପ୍ରିୟଙ୍କା ଗାନ୍ଧୀ କହିଛନ୍ତି ଯେ, “ପ୍ରଧାନମନ୍ତ୍ରୀ ମୋଦୀ ଜଣେ ବ୍ୟକ୍ତିଙ୍କୁ ନିଯୁକ୍ତ କରିଛନ୍ତି ଯିଏ ଜଣେ ଗର୍ଭବତୀ ମହିଳାଙ୍କ ଦୁଷ୍କର୍ମ ଅଭିଯୁକ୍ତଙ୍କୁ ମୁକ୍ତ କରିବାକୁ ରାଜି ହୋଇଥିଲେ। ପ୍ରଧାନମନ୍ତ୍ରୀ ଦେଶର ଲକ୍ଷ ଲକ୍ଷ ଲୋକଙ୍କୁ କ’ଣ ବାର୍ତ୍ତା ଦେଇଛନ୍ତି?”
କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ପଚାରିଛନ୍ତି ଯେ, “ସରକାର ଯୁବକମାନଙ୍କୁ କାହିଁକି ଭୟ କରୁଛନ୍ତି? ଏପର୍ଯ୍ୟନ୍ତ ଗୋଟିଏ ବି ମାଫିଆଙ୍କୁ ଦଣ୍ଡ ଦିଆଯାଇ ନାହିଁ। ଶିକ୍ଷା ବ୍ୟବସ୍ଥା RSS ପ୍ରଚାରକଙ୍କ ଦ୍ୱାରା ପୂର୍ଣ୍ଣ ହେଉଛି।”
କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ସଂସଦରେ ଲାଠିଚାର୍ଜ ସମୟରେ ଆହତ ଛାତ୍ରଛାତ୍ରୀମାନଙ୍କୁ ଭେଟିବା ବିଷୟରେ ଉଲ୍ଲେଖ କରିଥିଲେ। ସେ କହିଥିଲେ ଯେ, “କାହାର ଦୁଃଖକୁ ଉପହାସ କରାଯିବା ଉଚିତ୍ ନୁହେଁ।” “ମୁଁ ପ୍ରଧାନମନ୍ତ୍ରୀ ମୋଦି ଏବଂ ଗୃହମନ୍ତ୍ରୀଙ୍କୁ ପଚାରିବାକୁ ଚାହୁଁଛି ଯେ, ନିରୀହ ଛାତ୍ରଛାତ୍ରୀମାନଙ୍କ ଉପରେ ଲାଠିଚାର୍ଜ କରିବାର କଣ ଆବଶ୍ୟକତା ଥିଲା? ପେଲେଟ୍ ଗନ୍ ବ୍ୟବହାର କରିବାକୁ କିଏ ନିର୍ଦ୍ଦେଶ ଦେଇଥିଲା? ଏହି ଛାତ୍ରଛାତ୍ରୀମାନେ କ’ଣ ଆତଙ୍କବାଦୀ ଥିଲେ?”