ପୂର୍ବତନ ଅର୍ଥମନ୍ତ୍ରୀ ଅରୁଣ ଜେଟ୍ଲୀଙ୍କ ପରଲୋକ ଘଟିଛି। ଦିଲ୍ଲୀ ସ୍ଥିତ ଅଖିଳ ଭାରତୀୟ ଆର୍ୟୁବିଜ୍ଞାନ ସଂସ୍ଥାନ (ଏମ୍ସ) ଦିନ୧୨.୩୦ ମିନିଟ୍ ସମୟରେ ପ୍ରାଣ ହରାଇଛନ୍ତି ଜେଟ୍ଲୀ । ଦୀର୍ଘଦିନ ଧରି ଅସୁସ୍ଥ ରହିଥିବା ବେଳେ ଆଜି ବିଜେପିର ଏହି ବରିଷ୍ଠ ନେତା ୬୭ ବର୍ଷ ବୟସରେ ପ୍ରାଣ ହରାଇଛନ୍ତି। ୨୮ ଡିସେମ୍ବର ୧୯୫୨ରେ ଜନ୍ମଗ୍ରହଣ କରିଥିବା ଅରୁଣ ମହାରାଜ କିଶନ୍ ଜେଟ୍ଲୀ ଦିଲ୍ଳୀ ବିଶ୍ବବିଦ୍ୟାଳୟରୁ ନିଜର ଶିକ୍ଷା ସମାପ୍ତ କରିଥିଲେ । ଜଣେ ଆଇନଜୀବୀ ଏବଂ ରାଜନେତା ଭାବରେ ଜେଟ୍ଲୀ ପ୍ରତିଷ୍ଠିତ। ୧୯୯୧ରେ ବିଜେପିରେ ଯୋଗ ଦେଇଥିବା ଜେଟ୍ଲୀ ୧୯୯୯ରେ ଦଳର ମୁଖପାତ୍ର ଦାୟିତ୍ବ ତୁଲାଇଥିଲେ। ୧୯୯୯ ବାଜପେୟୀ ସରକାରଙ୍କ ଅମଳରେ ସୂଚନା ଏବଂ ପ୍ରସାରଣ ମନ୍ତ୍ରାଳୟର ରାଷ୍ଟ୍ରମନ୍ତ୍ରୀ ପାହ୍ୟା ହାସଲ କରିଥିଲେ। ୨୩ ଜୁଲାଇ ୨୦୦୦ରେ କ୍ୟାବିନେଟ୍ ପାହ୍ୟା ସହିତ ଆଇନ ମନ୍ତ୍ରାଳୟ ହାସଲ କରିଥିଲେ। ଏହାପରେ ୨୦୦୨ରେ ବିଜେପିର କାର୍ଯ୍ୟକାରୀ ସଚିବ ଭାବରେ ନିର୍ବାଚିତ ହେବା ସହିତ୨୦୦୩ରେ ଶିଳ୍ପ ଓ ବାଣିଜ୍ୟ ଏବଂ ଆଇନ ମନ୍ତ୍ରାଳୟର କ୍ୟାବିନେଟ ମନ୍ତ୍ରୀ ରହିଥିଲେ। ୨୦୦୪ ଏବଂ ୨୦୦୯ରେ ଦୁଇଥର ରାଜ୍ୟସଭାରେ ବିରୋଧୀ ଦଳର ନେତା ରହିଥିଲେ ଜେଟ୍ଲୀ । ୨୦୧୪ରେ ପୁନର୍ବାର ଏନ୍ଡିଏ ସରକାରରେ ଅର୍ଥ ବିଭାଗ, ପ୍ରତିରକ୍ଷା ବିଭାଗ ଏବଂ କର୍ପୋରେଟ ଆଫେୟାର୍ସ ବିଭାଗର କ୍ୟାବିନେଟ୍ ମନ୍ତ୍ରୀ ରହିଥିଲେ । ଜେଟ୍ଲୀଙ୍କ ମନ୍ତ୍ରୀତ୍ବ କାଳରେ ଏନ୍ଡିଏ ସରକାର ବିମୁଦ୍ରୀକରଣ ପଦକ୍ଷେପ ଗ୍ରହଣ କରିଥିଲେ ଯାହା ଦ୍ବାରା ୫୦୦ ଏବଂ ୧୦୦୦ଟଙ୍କିଆ ଅଚଳ ହୋଇଥିଲା ।
