ରେଢ଼ାଖୋଲ (କନ୍ଦର୍ପ ବେହେରା): ରେଢ଼ାଖୋଲରେ ବିଦ୍ୟୁତ ତାର ଚୋରି ରାକେଟର ଏକ ଟିମକୁ ରେଢ଼ାଖୋଲ ପୋଲିସ ଧରିବାରେ ସଫଳ ହୋଇଛି। ପୋଲିସ ଏଥିରେ ସମ୍ପୃକ୍ତି ତ୍ରିବଣପୁର ୧୧ କେଭି ଫିଡର ରେଙ୍ଗାଳୀ ମଠ ନିକଟରୁ ୧୨ ଜଣ ବିଦ୍ୟୁତ ତାର ଚୋରଙ୍କୁ ପୋଲିସ ଗିରଫ କରିଛି। ଏ ନେଇ ରେଢ଼ାଖୋଲ ଥାନାରେ କେସ୍ ନଂ ୧୫୩/୨୦୨୬ ବିଦ୍ୟୁତ ଆଇନରେ ମାମଲା ରୁଜୁ ହୋଇଛି।
ପୋଲିସ ଏକ ପ୍ରେସ ଇସ୍ତାହାରରେ ଜଣାଇଛି ଯେ, ରେଢ଼ାଖୋଲ ପୋଲିସ କୌଣସି ବିଶ୍ବସ୍ତ ସୁତ୍ରରୁ ଖବର ପାଇ ରେଢ଼ାଖୋଲ IIC ଏକ ଟିମ୍ ଗଠନ କରି ଘଟଣାସ୍ଥଳରେ ଚଢାଉ କରିଥିଲେ। ପୋଲିସକୁ ଦେଖି ଚୋରମାନେ କଟର ଦେଖାଇ ଫେରାର ହେବାକୁ ଚେଷ୍ଟା କରିଥିଲେ ହେଁ ପୋଲିସ ସମସ୍ତଙ୍କୁ କାବୁ କରିବାରେ ସଫଳ ହୋଇଥିଲା। ସେମାନଙ୍କ ନିକଟରୁ ୩୦ ବଣ୍ଡଲ ତାର , ୨ଟି କେବୁଲ କଟର, ସହ ମିନି ଟ୍ରକ ଜବତ କରିଛି। ଏଥିରେ ସମ୍ପୃକ୍ତ ସମସ୍ତ ଅଭିଯୁକ୍ତ କିସିଣ୍ଡା ଥାନା କଞ୍ଚନପୁର ଗ୍ରାମର ଓ ମାଷ୍ଟରମାଇଣ୍ଡ ସୁନାପାଲିର ଏମଡି ସିରାଜ ବୋଲି ପୋଲିସ କହିଛି।
ଗିରଫ ଅଭିଯୁକ୍ତମାନେ ହେଲେ ଅମର ଜିତ କିସାନ, ଅନିଲ ସେଠି, ବୁଲୁପାତ୍ର, ଗଗନ ବିଶି, କୃପାସିନ୍ଧୁ ଭୋଇ, ବିଶି କିସାନ, ରସାନନ୍ଦ ଭୋଇ, ସୁଶାନ୍ତ ଛେଣ୍ଡିଆ, ନିରଞ୍ଜସାହୁ, ସୁଧାଂଶୁ ଭୋଇ, ମୋହନ କୁମାର ଯାନୀ ଏବଂ ରଜତ କୁମାର ବିଶି। ରେଢ଼ାଖୋଲ ଥାନାରେ କେସ୍ ନଂ ୧୫୩/ ତା ୨୦/୦୮/୨୦୨୬ ୟୁ /ଏସ – ୩୧୦ (୨) ବିଏନଏସ ୨୦୨୩/୧୩୬ (୧)ଇଲେକ୍ଟ୍ରିସିଟି ଆକ୍ଟ ୨୦୦୩ ଆଇନରେ ମାମଲା ରୁଜୁ ହୋଇଛି। ପୋଲିସ ସମସ୍ତଙ୍କୁ କୋର୍ଟ ଚାଲାଣ କରିଛି।