ଭୁବନେଶ୍ଵର: ଗୁଜରାଟର ଗାନ୍ଧୀନଗରସ୍ଥିତ ନ୍ୟାସନାଲ୍ ଫରେନସିକ୍ ସାଇନ୍ସ ୟୁନିଭର୍ସିଟି- NFSU ପରିଦର୍ଶନ କରିଛନ୍ତି ରାଜ୍ୟର ପ୍ରଯୁକ୍ତି ମନ୍ତ୍ରୀ ମୁକେଶ ମହାଲିଙ୍ଗ। ପ୍ରତିଷ୍ଠାନରେ ସେ ଆଧୁନିକ ଡିଜିଟାଲ ଫରେନ୍ସିକ, ଅନୁସନ୍ଧାନ ମନୋବିଜ୍ଞାନ ଏବଂ ଡିଏନଏ ଫରେନ୍ସିକ ସୁବିଧାଗୁଡ଼ିକ ପରିଦର୍ଶନ କରିଛନ୍ତି। ପ୍ରତିଷ୍ଠାନର ଅଧ୍ୟକ୍ଷ ଏବଂ ଅନ୍ୟ ବିଭାଗୀୟ ମୁଖ୍ୟଙ୍କ ସହିତ ଅପରାଧ ଅନୁସନ୍ଧାନ କୌଶଳକୁ ଆଧୁନିକୀକରଣ କରିବା ଉପରେ ଏକ ବିସ୍ତୃତ ଏବଂ ଫଳପ୍ରଦ ଆଲୋଚନା କରିଥିବା ଶ୍ରୀ ମହାଲିଙ୍ଗ ସାମାଜିକ ଗଣମାଧ୍ୟମରେ ସୂଚନା ଦେଇଛନ୍ତି। ବିଶ୍ୱର ପ୍ରଥମ ଏବଂ ଏକମାତ୍ର ବିଶ୍ୱବିଦ୍ୟାଳୟ ଭାବେ ପ୍ରଯୁକ୍ତିବିଦ୍ୟା ଆଧାରିତ ଅପରାଧର ମୁକାବିଲା କରିବାରେ NFSUର ଭୂମିକା ଅତ୍ୟନ୍ତ ମହତ୍ତ୍ୱପୂର୍ଣ୍ଣ ବୋଲି ମନ୍ତ୍ରୀ କହିଛନ୍ତି।
Mukesh Mahaling visits NFSU in Gandhinagar