ହଂକଂରେ ଚାଲିଥିବା ସରକାର ବିରୋଧୀ ଆନ୍ଦୋଳନରେ ରବିବାର ପୋଲିସ୍ 29 ଜଣଙ୍କୁ ଗିରଫ କରିଛି । ଶନିବାର ବିଳମ୍ବିତ ରାତିରୁ ପୁନର୍ବାର ହିଂସାକାଣ୍ଡ ବଢିବା ପରେ ସରକାରଙ୍କ ତରଫରୁ ଆନ୍ଦୋଳନ ପ୍ରଶମିତ କରିବା ପାଇଁ ପ୍ରଥମେ ଲୁହ ବୁହା ଗ୍ୟାସ୍ ପ୍ରୟୋଗ କରାଯାଇଥିଲା । ଏସିଆନ୍ ଫାଇନାନ୍ସିଆଲ୍ ହବ୍ ଏବଂ ଏମ୍ଟିଆର କର୍ପ ସମ୍ମୁଖରେ ଏହି ଆନ୍ଦୋଳନ ହୋଇଥିବା ବେଳେ ସହରର ମେଟ୍ରୋ ଚାଳନା ଦୀର୍ଘ ସମୟ ପାଇଁ ବନ୍ଦ ରହିଥିଲା । ଆନ୍ଦୋଳନକାରୀ ମାନେ ପେଟ୍ରୋଲ ବୋମାର ବ୍ୟବହାର କରିଥିବାରୁ ପୋଲିସ୍ ପକ୍ଷରୁ ଟିଅର୍ ଗ୍ୟାସ୍ ପ୍ରୟୋଗ କରାଯିବା ସହିତ 29 ଜଣଙ୍କୁ ଗିରଫ କରାଯାଇଥିଲା ।
