ଧାରା 370 ଉଚ୍ଛେଦ ନିଷ୍ପତ୍ତିକୁ ପୁନର୍ବାର ଟାର୍ଗେଟ୍ କରିଛନ୍ତି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ । ଦେଶର ଇତିହାସରେ ଏହା ସର୍ବବୃହତ ରାଜନୈତିକ ଏବଂ ଦେଶ ବିରୋଧୀ ପଦକ୍ଷେପ ବୋଲି କହିଛନ୍ତି ପ୍ରିୟଙ୍କା ଗାନ୍ଧୀ । ଏହି ପଦକ୍ଷେପରେ କାଶ୍ମୀରି ବାସୀଙ୍କ ମୌଳିକ ଅଧିକାର କ୍ଷୁର୍ଣ୍ଣ କରାଯାଇଛି ବୋଲି ପ୍ରିୟଙ୍କା କହିଛନ୍ତି । ଗତକାଲି ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ ଅନ୍ୟାନ୍ୟ ବିରୋଧୀ ଦଳ ନେତାଙ୍କ ସହିତ ଜମ୍ମୁ କାଶ୍ମୀର ଗସ୍ତ କରିଥିବା ବେଳେ ସେମାନଙ୍କୁ ଶ୍ରୀନଗର ବିମାନ ବନ୍ଦରରୁ ଫେରାଇ ଦିଆଯାଇଥିଲା । ଯଦି କାଶ୍ମୀରରେ ସାଧାରଣ ଜନତାଙ୍କୁ କୌଣସି ଅସୁବିଧା ହେଉନାହିଁ ତେବେ କାହିଁକି ବିରୋଧୀ ଦଳ ନେତାଙ୍କୁ ସାଧାରଣ ଜନତାଙ୍କୁ ଭେଟିବାର ସୁଯୋଗ ଦିଆଯାଉନାହିଁ ବୋଲି ପ୍ରିୟଙ୍କା ପ୍ରଶ୍ନ କରିଛନ୍ତି । ଏହା ସହିତ ଧାରା 370 ଉଚ୍ଛେଦ ସମ୍ପୂର୍ଣ୍ଣ ରାଜନୈତିକ ଏବଂ ଦେଶବିରୋଧୀ ବୋଲି ଟ୍ବିଟ୍ କରିଥିଲେ ପ୍ରିୟଙ୍କା । ଏହି ଧାରାର ଉଚ୍ଛେଦ ସହିତ କାଶ୍ମୀର ବାସୀଙ୍କ ସ୍ବର ଦବାଇବା ପାଇଁ ଉଦ୍ଦିଷ୍ଟ ବୋଲି ପ୍ରିୟଙ୍କା ଟ୍ବିଟ୍ କରିଥିଲେ । ଏହି ଟ୍ବିଟ୍ ସହିତ ଜଣେ ମହିଳା ବିମାନରେ ରାହୁଲଙ୍କୁ ଜଣେ ମହିଳା ନିଜର ଅସୁବିଧା କହୁଥିବାର ଭିଡିଓ ମଧ୍ୟ ସେୟାର କରିଥିଲେ ପ୍ରିୟଙ୍କା ।
