ଭୁବନେଶ୍ଵର: ସମ୍ବଲପୁର ସାଂସଦ ଧର୍ମେନ୍ଦ୍ର ପ୍ରଧାନ ବରଗଡ଼ ଜିଲ୍ଲାର ବରପାଲି ନିକଟସ୍ଥ ପ୍ରାୟ ଦୁଇ ହଜାର ବର୍ଷର ପ୍ରାଚୀନ ‘ଅସୁରଗଡ଼’ ପ୍ରତ୍ନତାତ୍ତ୍ୱିକ ସ୍ଥଳୀ ପରିଦର୍ଶନ କରିଛନ୍ତି। ସେ କହିଛନ୍ତି , ଏହି ପ୍ରାଚୀନ ସ୍ଥଳୀ ସମୃଦ୍ଧ ସଂସ୍କୃତି ଓ ସଭ୍ୟତାର ଏକ ଅନନ୍ୟ ଗନ୍ତାଘର। ହରପ୍ପା ଓ ମୋହେଞ୍ଜୋଦାରୋ ଭଳି ସମ୍ବଲପୁର ଅଞ୍ଚଳରେ ଅନେକ ଐତିହାସିକ ପ୍ରତ୍ନତାତ୍ତ୍ୱିକ ଧରୋହର ରହିଛି। ଡବଲ ଇଞ୍ଜିନ ସରକାରଙ୍କ ମିଳିତ ସହଯୋଗରେ ଏହି ପ୍ରାଚୀନ ଐତିହ୍ୟକୁ ଲୋକଲୋଚନକୁ ଆଣିବା ଦ୍ୱାରା ଛାତ୍ରଛାତ୍ରୀଙ୍କ ମଧ୍ୟରେ ଇତିହାସ ବୋଧ ବୃଦ୍ଧି ପାଇବା ସହ ପର୍ଯ୍ୟଟନର ବିକାଶ ହେବ। ଏହି ପ୍ରାଚୀନ ଐତିହ୍ୟକୁ ସଂରକ୍ଷିତ ରଖିବା ଓ ଆଗାମୀ ପିଢ଼ି ନିକଟରେ ପହଞ୍ଚାଇବା ସମସ୍ତଙ୍କର କର୍ତ୍ତବ୍ୟ ବୋଲି ଶ୍ରୀ ପ୍ରଧାନ କହିଛନ୍ତି।
D. Pradhan visits 2,000-year-old Asurgarh archaeological site