ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମଙ୍କର ବିଦେଶୀ ଆକାଉଣ୍ଟ ରହିଥିବା ନେଇ ସତ୍ୟପାଠ ଦାଖଲ କରାଯାଇଛି । ସୋମବାର ଦିନ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ସୁପ୍ରିମକୋର୍ଟରେ ଏହି ସତ୍ୟପାଠ ଦାଖଲ କରାଯାଇଛି । ସତ୍ୟପାଠ ଅନୁଯାୟୀ ଚିଦାମ୍ବରମ୍ ଏବଂ ତାଙ୍କର ଘନିଷ୍ଠ ସହଯୋଗୀଙ୍କ ବିଶ୍ବର ବିଭିନ୍ନ ବ୍ୟାଙ୍କରେ ଆକାଉଣ୍ଟ ରହିବା ସହିତ ବିଭିନ୍ନ ସ୍ଥାନରେ ସମ୍ପତ୍ତି ରହିଛି । ଇଡିର ଅର୍ଥନୈତିକ ଗୁଇନ୍ଦା ବିଭାଗ ପକ୍ଷରୁ ମିଳିଥିବା ତଥ୍ୟ ଅନୁଯାୟୀ ଚିଦାମ୍ବରମ ଏବଂ ଆଇଏନ୍ଏକ୍ସ ମିଡିଆ ମାମଲାରେ ତାଙ୍କର ସହଯୋଗୀ ମାନଙ୍କର ଆର୍ଜେଣ୍ଟିନା, ଅଷ୍ଟ୍ରିଆ, ବ୍ରିଟିଶ୍ ଭର୍ଜିନ୍ ଆଇଲ୍ୟାଣ୍ଡ, ଫ୍ରାନ୍ସ, ଗ୍ରୀସ୍, ମାଲେସିଆ, ମୋନାକୋ, ଫିଲିପାଇନ୍ସ, ସିଙ୍ଗାପୁର, ଦକ୍ଷିଣ ଆଫ୍ରିକା, ସ୍ପେନ୍ ଏବଂ ଶ୍ରୀଲଙ୍କାରେ ଏହି ଆକାଉଣ୍ଟ ରହିଥିବା ନେଇ ସୂଚନା ମିଳିଛି । ସ୍ବୟଂ ଚିଦାମ୍ବରମ୍ଙ୍କର 17ଟି ଆକାଉଣ୍ଟ ରହିଥିବା ନେଇ ଇଡି ପକ୍ଷରୁ ସତ୍ୟପାଠ ଦାଖଲ କରାଯାଇଛି ।
Tags:
