ତାମିଲନାଡୁରେ ପ୍ରଥମ ଥର ପାଇଁ ଇଲେକ୍ଟ୍ରିକ୍ ବସ୍ ସେବା ଆରମ୍ଭ କରାଯାଇଛି । ମୁଖ୍ୟମନ୍ତ୍ରୀ ପଲାନିସ୍ବାମୀ ସୋମବାର ଏହି ବସ୍ ସେବାର ଉଦ୍ଘାଟନ କରିଛନ୍ତି । ଏହି ବସ୍ଟି ପ୍ରାଥମିକ ଭାବରେ ଏମ୍ଜି ରାମଚନ୍ଦ୍ରନ ସେଣ୍ଟ୍ରାଲ ରେଲଓ୍ବେ ଷ୍ଟେସନ୍ରୁ ଥିରୁଭାୟୁନ୍ମୁର୍ ମଧ୍ୟରେ ଯାତ୍ରା କରିବ । ବସ୍ଟି ମାଇଲାପୁର ଏବଂ ଆଡ୍ୟାର ମଧ୍ୟ ଦେଇ ଯାତ୍ରା କରିବ । ବସ୍ର ସର୍ବନିମ୍ନ ଯାତ୍ରା ଦେୟ 11 ଟଙ୍କା ଏବଂ ସର୍ବାଧିକ ଯାତ୍ରା ଦେୟ 25 ଟଙ୍କା ରହିଛି । ଗୋଟିଏ ଥର ଚାର୍ଜ ହେଲେ ଏହି ବ୍ୟାଟେରୀ 40 କିମି ଯାତ୍ରା କରିବ ଏବଂ ଏହାପରେ ବ୍ୟାଟେରୀ ପରିବର୍ତ୍ତନ କରାଯିବ ବୋଲି ଜଣାପଡିଛି । ବସ୍ଟି 32 ସିଟ୍ ବିଶିଷ୍ଟ ରହିଥିବା ବେଳେ ଆସନ୍ତା 10 ଦିନ ମଧ୍ୟରେ ନୂତନ ଇଲେକ୍ଟ୍ରିକ୍ ବସ୍ ଚଲାଯିବ ବୋଲି ପଲାନିସ୍ବାମୀ ସୂଚନା ଦେଇଛନ୍ତି ।
Tags:
