ରାୟଗଡ଼ା ଡିଭିଜନରେ ଭୂସ୍ଖଳନ ଯୋଗୁଁ ଟ୍ରେନ୍ ଚଳାଚଳ ପ୍ରଭାବିତ ହୋଇଛି। ମାଲିଗୁଡ଼ା–ଛତ୍ରିପୁଟ ଷ୍ଟେସନ ମଧ୍ୟରେ ରେଳପଥରେ ଭୂସ୍ଖଳନ ହେବା ପରେ ଯାତ୍ରୀଙ୍କ ସୁରକ୍ଷା ଦୃଷ୍ଟିରୁ ରେଳବାଇ ପକ୍ଷରୁ ଏକାଧିକ ଟ୍ରେନ୍ ବାତିଲ କରାଯାଇଛି। ଏଥିସହ କିଛି ଟ୍ରେନ୍ର ଚଳାଚଳକୁ ଆଂଶିକ ଭାବେ ବାତିଲ କରାଯାଇଛି।
ସେପ୍ଟେମ୍ବର ୨୫ରେ ବାତିଲ ହୋଇଥିବା ଟ୍ରେନ୍
ଭୂସ୍ଖଳନ ଯୋଗୁଁ ସେପ୍ଟେମ୍ବର ୨୫ରେ ନିମ୍ନଲିଖିତ ଟ୍ରେନ୍ଗୁଡ଼ିକର ଚଳାଚଳ ବାତିଲ ରହିବ।
• ୫୮୫୦୨ କିରନ୍ଦୁଲ–ବିଶାଖାପାଟଣା ପାସେଞ୍ଜର
• ୫୮୫୦୧ ବିଶାଖାପାଟଣା–କିରନ୍ଦୁଲ ପାସେଞ୍ଜର
• ୧୮୫୧୬ କିରନ୍ଦୁଲ–ବିଶାଖାପାଟଣା ଏକ୍ସପ୍ରେସ୍
• ୧୮୫୧୫ ବିଶାଖାପାଟଣା–କିରନ୍ଦୁଲ ଏକ୍ସପ୍ରେସ୍
କେଉଁ ଟ୍ରେନ୍ର ଚଳାଚଳ ଆଂଶିକ ବାତିଲ?
୧୮୦୦୫ ହାୱଡ଼ା–ଜଗଦଲପୁର ଏକ୍ସପ୍ରେସ୍: ସେପ୍ଟେମ୍ବର ୨୩ରେ ହାୱଡ଼ାରୁ ଛାଡ଼ିଥିବା ଟ୍ରେନ୍ କୋରାପୁଟରେ ଯାତ୍ରା ଶେଷ କରିବ। କୋରାପୁଟ–ଜଗଦଲପୁର ମଧ୍ୟରେ ଟ୍ରେନ୍ ଚଳାଚଳ ବାତିଲ ରହିବ।
୧୮୦୦୬ ଜଗଦଲପୁର–ହାୱଡ଼ା ଏକ୍ସପ୍ରେସ୍: ସେପ୍ଟେମ୍ବର ୨୫ରେ ଜଗଦଲପୁର ପରିବର୍ତ୍ତେ କୋରାପୁଟରୁ ଟ୍ରେନ୍ ଚଳାଚଳ କରିବ। ଜଗଦଲପୁର–କୋରାପୁଟ ମଧ୍ୟରେ ସେବା ବାତିଲ ରହିବ।
୧୮୧୦୭ ରାଉରକେଲା–ଜଗଦଲପୁର ଏକ୍ସପ୍ରେସ୍: ସେପ୍ଟେମ୍ବର ୨୪ରେ ରାଉରକେଲାରୁ ଛାଡ଼ିଥିବା ଟ୍ରେନ୍ କୋରାପୁଟରେ ଯାତ୍ରା ଶେଷ କରିବ। କୋରାପୁଟ–ଜଗଦଲପୁର ମଧ୍ୟରେ ଚଳାଚଳ ବାତିଲ ରହିବ।
୧୮୧୦୮ ଜଗଦଲପୁର–ରାଉରକେଲା ଏକ୍ସପ୍ରେସ୍: ସେପ୍ଟେମ୍ବର ୨୫ରେ କୋରାପୁଟରୁ ଟ୍ରେନ୍ ଚଳାଚଳ କରିବ। ଜଗଦଲପୁର–କୋରାପୁଟ ମଧ୍ୟରେ ସେବା ବାତିଲ ରହିବ।
୧୮୪୪୭ ଭୁବନେଶ୍ୱର–ଜଗଦଲପୁର ହୀରାଖଣ୍ଡ ଏକ୍ସପ୍ରେସ୍: ସେପ୍ଟେମ୍ବର ୨୪ରେ ଭୁବନେଶ୍ୱରରୁ ଛାଡ଼ିଥିବା ଟ୍ରେନ୍ କୋରାପୁଟରେ ଯାତ୍ରା ଶେଷ କରିବ। କୋରାପୁଟ–ଜଗଦଲପୁର ମଧ୍ୟରେ ଟ୍ରେନ୍ ଚଳାଚଳ ବନ୍ଦ ରହିବ।
୧୮୪୪୮ ଜଗଦଲପୁର–ଭୁବନେଶ୍ୱର ହୀରାଖଣ୍ଡ ଏକ୍ସପ୍ରେସ୍: ସେପ୍ଟେମ୍ବର ୨୫ରେ ଜଗଦଲପୁର ପରିବର୍ତ୍ତେ କୋରାପୁଟରୁ ଟ୍ରେନ୍ ଚଳାଚଳ କରିବ। ଜଗଦଲପୁର–କୋରାପୁଟ ମଧ୍ୟରେ ସେବା ବାତିଲ ରହିବ।
ଯାତ୍ରୀଙ୍କ ପାଇଁ ରେଳବାଇର ପରାମର୍ଶ
ରେଳପଥରୁ ଭୂସ୍ଖଳନ ହଟାଇବା ଏବଂ ଟ୍ରାକ୍ର ପୁନରୁଦ୍ଧାର କାମ ଚାଲିଥିବାରୁ ଟ୍ରେନ୍ ଚଳାଚଳରେ ପରିବର୍ତ୍ତନ କରାଯାଇଛି। ତେଣୁ ଯାତ୍ରୀମାନେ ଷ୍ଟେସନ ଯିବା ପୂର୍ବରୁ ନିଜ ଟ୍ରେନ୍ର ଚଳାଚଳ ସ୍ଥିତି ଯାଞ୍ଚ କରିବା ସହ ଯାତ୍ରା ଯୋଜନା କରିବାକୁ ରେଳବାଇ ପକ୍ଷରୁ ପରାମର୍ଶ ଦିଆଯାଇଛି।
