ଥାର୍ଡ ଡିଗ୍ରୀର ଯୁଗ ଶେଷ ହୋଇଛି ବୋଲି ମତ ଦେଇଛନ୍ତି ଗୃହମନ୍ତ୍ରୀ ଅମିତ ଶାହା । ଦିଲ୍ଲୀରେ ଅବସ୍ଥାପିତ ବ୍ୟୁରୋ ଅଫ ପୋଲିସ ରିସର୍ଚ ଆଣ୍ଡ ଡେଭଲପମେଣ୍ଟର 49 ତମ ସ୍ଥାପନା ଦିବସରେ ଏହି ମତ ଦେଇଛନ୍ତି ଅମିତ ଶାହା । ବର୍ତ୍ତମାନ ଥାର୍ଡ ଡିଗ୍ରୀର ଯୁଗ ଶେଷ ହୋଇଛି ଏବଂ ତଦନ୍ତ ପାଇଁ ନୂତନ ବୈଷୟିକ କୌଶଳ ଆପଣେଇବାକୁ ପଡିବ ବୋଲି ଶାହ କହିଛନ୍ତି । ସେ କହିଛନ୍ତି, ଅପରାଧ ଓ ଅପରାଧିକ ମାନସିକତାକୁ ଅଧ୍ୟୟନ କରିବା ପାଇଁ ରାଷ୍ଟ୍ରୀୟ ମୋଡସ୍ ଓପିଆରଡି ବ୍ୟୁରୋ ବାବଦରେ ଚିନ୍ତା କରାଯାଉଛି । ଏଥିପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ଅପିଲ କରାଯାଉଛି । ରାଷ୍ଟ୍ରୀୟ ସ୍ତରରେ ପୋଲିସ ବିଶ୍ୱବିଦ୍ୟାଳୟ ଏବଂ ଫରେନ୍ସିକ ବିଜ୍ଞାନ ବିଶ୍ୱବିଦ୍ୟାଳୟ ସ୍ଥାପନା କରାଯିବ । ସମସ୍ତ ରାଜ୍ୟରେ ଏହା ସହ ଜଡିତ କଲେଜ ରହିବ । ଏନେଇ ଖୁବ ଶୀଘ୍ର କ୍ୟାବିନେଟ୍ରେ ବ୍ୟବସ୍ଥା କରାଯିବ ବୋଲି ଶାହା କହିଛନ୍ତି ।
