ଭୁବନେଶ୍ୱର: ଗୁଜରାଟର ଏକତା ନଗରରେ ଆୟୋଜିତ ଦୁଇଦିନିଆ ‘ଚିନ୍ତନ ଶିବିର’ରେ ଓଡ଼ିଶାରେ ସୁଦୃଢ଼, ସ୍ଥାୟୀ ଓ ଜନକୈନ୍ଦ୍ରିକ ସଡ଼କ ଭିତ୍ତିଭୂମି ବିକାଶ ପ୍ରତି ରାଜ୍ୟର ପ୍ରତିବଦ୍ଧତା ଦୋହରାଇଛନ୍ତି ପୂର୍ତ୍ତ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ। କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ନିତିନ ଗଡକରୀ ଏହି ଶିବିରକୁ ଉଦ୍ଘାଟନ କରିଥିଲେ। ଏଥିରେ ସଡ଼କ ସୁରକ୍ଷା, ନୂତନ ପ୍ରଯୁକ୍ତି, ପରିବେଶ ସୁରକ୍ଷା, ଗୁଣାତ୍ମକ DPR ଓ ସମୟବଦ୍ଧ ପ୍ରକଳ୍ପ କାର୍ଯ୍ୟାନ୍ୱୟନ ନେଇ ଆଲୋଚନା ହୋଇଛି। ଗ୍ରାମକୁ ସହର ଓ ସହରକୁ ବନ୍ଦର ସହ ସଂଯୋଗ, ପରିବହନ ଖର୍ଚ୍ଚ ହ୍ରାସ ଏବଂ ଆର୍ଥିକ ବିକାଶ ଉପରେ ମଧ୍ୟ ଗୁରୁତ୍ୱ ଦିଆଯାଇଛି।
ଶିବିରରେ କେନ୍ଦ୍ର ରାଷ୍ଟ୍ରମନ୍ତ୍ରୀ ହର୍ଷ ମାଲହୋତ୍ରାଙ୍କ ସମେତ ବିଭିନ୍ନ ରାଜ୍ୟର ପୂର୍ତ୍ତ ମନ୍ତ୍ରୀ ଓ ବରିଷ୍ଠ ଅଧିକାରୀ ଉପସ୍ଥିତ ଥିଲେ।