ନୂଆଦିଲ୍ଲୀ: ଡିସେମ୍ବର ୨୦୨୬ରେ ଘରୋଇ LPG ସିଲିଣ୍ଡର ଉପରେ ଅଣ୍ଡର-ରିକଭରୀ ମାସିକ ୧୩% ବଢି ୧୪.୨ କେଜି ସିଲିଣ୍ଡର ପିଛା ୩୭୦ ଟଙ୍କାରେ ପହଞ୍ଚିବ ବୋଲି ଅନୁମାନ କରାଯାଉଛି।
IOCLର ନିର୍ଦ୍ଦେଶକ (ଅର୍ଥ) ଅନୁଜ ଜୈନଙ୍କ ସୂଚନା ଅନୁଯାୟୀ, ନଭେମ୍ବର ୨୦୨୬ରେ ଅଣ୍ଡର-ରିକଭରୀ ୩୦୯ ଟଙ୍କା ଅଛି ଏବଂ ଡିସେମ୍ବରରେ ୩୭୦ ଟଙ୍କା ହେବ। ସେ କହିଛନ୍ତି ଯେ, “ସାଉଦି CP ବଢି ୭୫୬ ଡଲାର ପ୍ରତି ଟନ୍ ହୋଇଛି। ସେପ୍ଟେମ୍ବରରେ ଅଣ୍ଡର-ରିକଭରୀ ୧୮୪ ଟଙ୍କା ଥିଲା, ଅକ୍ଟୋବରରେ ୨୨୯ ଟଙ୍କା, ନଭେମ୍ବରରେ ୩୦୯ ଏବଂ ଡିସେମ୍ବରରେ ୩୭୦ ଟଙ୍କା ହୋଇପାରେ।”
ଅଣ୍ଡର-ରିକଭରୀ ଅର୍ଥ କଣ?
ଏହାର ଅର୍ଥ ହେଉଛି ଆନ୍ତର୍ଜାତିକ ବଜାରରେ ଅଶୋଧିତ ତୈଳ ଓ ଗ୍ୟାସ ଦାମ ବଢିବା ଯୋଗୁଁ ସିଲିଣ୍ଡର ପ୍ରସ୍ତୁତି ଖର୍ଚ୍ଚ ତୁଳନାରେ ଘରୋଇ ବଜାରରେ ବହୁତ କମ୍ ଦାମରେ ବିକ୍ରି ହେଉଛି। ଦିଲ୍ଲୀରେ ୯୪୨ ଟଙ୍କାରେ ବିକ୍ରି ହେଉଥିବା ସିଲିଣ୍ଡରର ପ୍ରକୃତ ଖର୍ଚ୍ଚ ୩୭୦ ଟଙ୍କା ଅଧିକ।
ଅନ୍ୟ କମ୍ପାନୀଙ୍କ ଅବସ୍ଥା:
BPCL ୧୭,୩୩୪ କୋଟି ଏବଂ HPCL ୧୮,୦୪୮ କୋଟି ଅଣ୍ଡର-ରିକଭରୀ ରିପୋର୍ଟ କରିଛନ୍ତି। IOCLର ସେପ୍ଟେମ୍ବର ୩୦ ସୁଦ୍ଧା ସମୁଦାୟ ଅଣ୍ଡର-ରିକଭରୀ ୩୨,୫୦୫ କୋଟି ହୋଇଛି। ଏପରି ସ୍ଥିତିରେ କମ୍ପାନୀଗୁଡିକ କେନ୍ଦ୍ର ସରକାରଙ୍କ ଆର୍ଥିକ ପ୍ୟାକେଜ୍ ଏବଂ କ୍ରସ୍-ସବସିଡି ଉପରେ ନିର୍ଭର କରୁଛନ୍ତି।