ହାଇଦ୍ରାବାଦର ଏଲବି ନଗରର ଏକ ଡାକ୍ତରଖାନାରେ ନିଆଁ ଲାଗିଛି । ସଟ୍ଶର୍କିଟ୍ କାରଣରୁ ଏହି ନିଆଁ ଲାଗିଥିବାବେଳେ ଏହି ନିଆଁ ଘେରରେ ଆସିଛନ୍ତି ଡର୍ଜନରୁ ଅଧିକ ଶିଶୁ । ଏହି ଦୁର୍ଘଟଣାରେ ଜଣେ ଶିଶୁର ମୃତ୍ୟୁ ହୋଇଥିବାବେଳେ ୪ଜଣ ଆହତ ହୋଇଛନ୍ତି । ଘଟଣାସ୍ଥଳରେ ଦମକଳ ବିଭାଗ ପହଞ୍ଚି ନିଆଁକୁ ଆୟତ୍ତ କରିନେଇଛନ୍ତି । ମିଳିଥିବା ସୂଚନା ଅନୁସାରେ- ଡାକ୍ତରଖାନାର ଆଇସିୟୁ ୟୁନିଟରେ ପ୍ରଥମେ ଶର୍ଟସର୍କିଟ୍ କାରଣରୁ ନିଆଁ ଲାଗିଯାଇଥିଲା । ଏଥିରେ ୯ମାସର ଏକ ଶିଶୁର ମୃତ୍ୟୁ ହୋଇଛି । ଅନ୍ୟ ୪ ଆହତଙ୍କ ମଧ୍ୟରୁ ଦୁଇଜଣଙ୍କର ଅବସ୍ଥା ସଂକଟାପନ୍ନ ରହିଛି । ଏହି ଦୁର୍ଘଟଣାରେ ସମୟରେ ଏହି ଡାକ୍ତରଖାନାରେ ମୋଟ ୪୨ ଜଣ ଶିଶୁ ରହିଥିଲେ । ଆହତଙ୍କୁ ହସ୍ପିଟାଲ୍ରେ ଚିକିତ୍ସା କରାଯାଉଛି । ନିଆଁ ଲାଗିବା ପରେ ସ୍ଥାନୀୟ ଲୋକଙ୍କ ସହ ଶିଶୁଙ୍କ ଅଭିଭାବକମାନେ ଅସନ୍ତୋଷ ପ୍ରକାଶ କରି ଡାକ୍ତରଖାନାରେ ବାହାରେ ବିରୋଧ ପ୍ରଦର୍ଶନ କରିଛନ୍ତି । ଘଟଣାସ୍ଥଳରେ ପୋଲିସ୍ ଟିମ୍ ପହଞ୍ଚି ଲୋକଙ୍କୁ ବୁଝାଶୁଝା କରିଛି ।
