ଏକତା କପୁର ଲୋକପ୍ରିୟ ଅଲୌକିକ ଶୋ’ ନାଗିନ୍’ର ସିଜିନ୍ ୪କୁ ଦର୍ଶକେ ଉତ୍କଣ୍ଠାର ସହ ଅପେକ୍ଷା କରିଛନ୍ତି । ପ୍ରଥମ ଦୁଇ ସିଜିନ୍ରେ ମୌନୀ ରାୟ ନାଗିନ୍ ହୋଇଥିବାବେଳେ ତୃତୀୟ ସିଜିନ୍ରେ ଅଭିନେତ୍ରୀ ସୁରଭି ଜ୍ୟୋତି ନାଗିନ୍ ହୋଇ ଦର୍ଶକଙ୍କୁ ବେଶ୍ ଆକୃଷ୍ଟ କରିଥିଲେ । କିନ୍ତୁ ନାଗିନ୍ ୪ରେ ଲିଡ୍ ନାୟିକା କିଏ ହେବ, ସେନେଇ ବହୁ ଦିନରୁ ଚର୍ଚ୍ଚା ଲାଗି ରହିଛି । ତେବେ ମିଳିଥିବା ସୂଚନା ଅନୁସାରେ ଏକତାଙ୍କ ନାଗିନ୍ ଭାବେ ଏଥର ଦର୍ଶକଙ୍କ ସାମ୍ନାକୁ ଆସିବେ ଅଭିନେତ୍ରୀ ନିଆ ଶର୍ମା । ନିଆଙ୍କ କ୍ୟାରିଅରର ପ୍ରଥମ ସୁପରନାଚୁରାଲ୍ ଶୋ’ ଏହି ସିଜିନ୍ଟି ହେବ । ପୂର୍ବରୁ ଅନେକ ଲୋକପ୍ରିୟ ଧାରାବାହିକରେ ନିଆଙ୍କୁ ଦର୍ଶକେ ଦେଖିଛନ୍ତି । ଇଶ୍କ ମେ ମରଜାଓ୍ବାରେ ଲିଡ୍ ନାୟିକା ରହିଥିଲେ ନିଆ । ସୂଚନା ଅନୁସାରେ ଦିଓ୍ବାଲୀ ପରେ ପରେ ନିଆ ନାଗିନ୍ ୪ ପାଇଁ ଶୁଟିଂ ଆରମ୍ଭ କରିବେ ନିଆ । ନିଆ ‘କାଲୀ’ ଧାରାବାହିକ ଜରିଆରେ ଛୋଟପରଦାରେ ପାଦ ଥାପିଥିଲେ । କିନ୍ତୁ ‘ଏକ୍ ହଜାରେ ମେ ମେରୀ ବହନ୍ ହୈ’ରେ ତାଙ୍କୁ ଲୋକପ୍ରିୟତା ମିଳିଥିଲା । ପରେ ପରେ ‘ଜମାଇ ରାଜା’ ପରି ଲୋକପ୍ରିୟ ଧାରାବାହିକରେ ନଜର ଆସିଛନ୍ତି । ନିଆଙ୍କ ପୂର୍ବରୁ ଟେଲି ଅଭିନେତ୍ରୀ କ୍ରିଷ୍ଟାଲ୍ ଡି’ସୁଜା ଏହି ସିଜିନ୍ର ନୂଆ ନାଗିନ୍ ହେବା ନେଇ ଚର୍ଚ୍ଚା ଲାଗି ରହିଥିଲା । ତେବେ ଦେଖାଯାଉ ‘ନାଗିନ୍’୪ରେ ନାଗିନୀ ରୂପେ କିଏ ନଜର ଆସୁଛନ୍ତି ।
