ସମୀକ୍ଷା ବ୍ୟୁରୋ
ମୁମ୍ବାଇ, ୪/୧୨: ରଣବୀର ସିଂଙ୍କ ଆଗାମୀ ଫିଲ୍ମ ‘ଜୟେଶ ଭାଇ’ର ଫାଷ୍ଟ ଲୁକ୍ ରିଲିଜ୍ ହୋଇଛି । ଏହି ଫିଲ୍ମରେ ରଣବୀର୍ ସିଂହ ଗୁଜୁରାଟୀ ଟୋକା ଚରିତ୍ରରେ ନଜର ଆସିବେ । ଗୁଜୁରାତୀ ପୁଅ ଚରିତ୍ରରେ ରଣବୀର ସିଂ ବେଶ୍ ଆକର୍ଷକ ଲାଗୁଛନ୍ତି ।
ଏହି ପୋଷ୍ଟରରେ ରଣବୀର ସିଂ ପୋଲକା ଡଟସ୍ ଥିବା କମଳା ରଙ୍ଗର ଟି ସାର୍ଟ ସାଙ୍ଗକୁ ଫେଡ୍ଡ୍ ପ୍ୟାଣ୍ଟରେ ବେଶ୍ ସ୍ମାର୍ଟ ଲାଗୁଛନ୍ତି । ଏବଂ ରଣବୀର୍ ପଛ ପଟେ ବହୁତ ସାରା ମହିଳା ମୁଣ୍ଡରେ ଓଢଣା ଟାଣି ଛିଡ଼ା ହୋଇଛନ୍ତି । ରଣବୀର୍ ସିଂଙ୍କ ଆଗାମୀ ଫିଲ୍ମ ତଥା କବୀର୍ ଖାନ୍ଙ୍କ ନିର୍ଦ୍ଦେଶିତ ‘୮୩’ରେ ମୁଖ୍ୟ ଚରିତ୍ରରେ ନଜର ଆସୁଛନ୍ତି । ଏହି ଫିଲ୍ମଟି ଭାରତୀୟ କ୍ରିକେଟିୟର୍ କପିଲ୍ ଦେବଙ୍କ ଜୀବନୀକୁ ନେଇ ପ୍ରସ୍ତୁତ ହୋଇଛି। ଏଥିରେ ତାଙ୍କ ପତ୍ନୀ ତଥା ଅଭିନେତ୍ରୀ ଦୀପିକା ପାଦୁକୋନ୍ ମଧ୍ୟ ନଜର ଆସିବେ । ଚଳିତ ବର୍ଷ ରଣବୀର୍ ସିଂଙ୍କ ‘ଗଲି ବୟ’ ବେଶ୍ ସଫଳତା ଲାଭ କରିଥିଲା । (ଏଜେନ୍ସି)
