ସମୀକ୍ଷା ବ୍ୟୁରୋ
ନୂଆଦିଲ୍ଲୀ: ସଂସଦର ବୈଠକରେ ନିଶ୍ଚିତ ଯୋଗ ଦେବା ପାଇଁ ଆଜି ବିଜେପି ତରଫରୁ ଦୁଇ ଧାଡିଆ ହୁଇପ୍ ଜାରୀ କରାଯାଇଛି। ଦଳର ସମସ୍ତ ସାଂସଦଙ୍କ ପାଖକୁ ଏହି ଦୁଇ ଧାଡିଆ ହୁଇପ ମୋବାଇଲ ମେସେଜ ମାଧ୍ୟମରେ ଦିଆଯାଇଛି। ଏଥିରେ କୁହାଯାଇଛି ଯେ, ଆସନ୍ତା 9 ତାରିଖରୁ 11 ତାରିଖ ପର୍ଯ୍ୟନ୍ତ ସମସ୍ତେ ନିଶ୍ଚିତ ଉପସ୍ଥିତ ରହିବେ। କାରଣ ଏହି ତିନିଦିନ ମଧ୍ୟରେ କେନ୍ଦ୍ର ସରକାରଙ୍କ କେତେକ ଗୁରୁତ୍ବ ପୂର୍ଣ୍ଣ ବିଷୟ ରହିଥିବାରୁ ସାଂସଦମାନେ ଯୋଗଦେବାର ନିହାତି ଆବଶ୍ୟକ। ସରକାରଙ୍କ ନିଷ୍ପତିକୁ ସମର୍ଥନ କରିବା ଆବଶ୍ୟକ ରହିଛି ବୋଲି ଏହି ମେସେଜରେ କୁହାଯାଇଛି। ହୁଇପ ପରେ ରାଜନୈତିକ ମହଲରେ ଚର୍ଚ୍ଚା ଆରମ୍ଭ ହୋଇଛି।ସଂସଦୀୟ କାର୍ଯ୍ୟସୂଚୀ ଅନୁସାରେ ଆସନ୍ତା ତିନିଦିନରେ ଯେଉଁ ସବୁ ଗୁରୁତ୍ବ ପୂର୍ଣ୍ଣ ବିଲ୍ ଆସିବାର ଅଛି ସେଥିରେ ରହିଛି “ନାଗରିକ ସଂଶୋଧନ ଆଇନି 2019″। ଏହି ଆଇନକୁ କଂଗ୍ରେସ ବିରୋଧ କରିବ ବୋଲି ଘୋଷଣା କରିଛି। ସେଥିପାଇଁ ଏପରି ହୁଇପ ଜାରୀ କରାଯାଇଛି ବୋଲି କୁହାଯାଉଛି। ସେହିପରି ଗୃହମନ୍ତ୍ରୀ ଅମିତ ଶାହା “ଆର୍ମ ସଂଶୋଧନ ବିଲ 2019” ଏବଂ ବୈଦେଶିକ ମନ୍ତ୍ରୀ ଏସ ଜୟଶଙ୍କର “ଆଣ୍ଟି ମାରାଟାଇମ ପାଇରସି ସଂଶୋଧନ ଆଇନି 2019” ପାଶ ହେବାକୁ ବାକି ଅଛି।