ପାଟନା,13/12 : ପୂର୍ବତନ କର୍ଣ୍ଣାଟକ ଅଧିନାୟକ ତଥା ଦ୍ରୁତ ବୋଲର ଆର ବିନୟ କୁମାର ଏକ ମାଇଲଖୁଣ୍ଟ ହାସଲ କରିଛନ୍ତି । ଦଶମ ଖେଳାଳି ଭାବରେ ରଣଜୀ ଟ୍ରଫିରେ 400 ଓ୍ବିକେଟ ହାସଲ କରିବାର କୃତିତ୍ବ ହାସଲ କରିଛନ୍ତି ବିନୟ କୁମାର । ପୁଡୁଚେରୀ ଏବଂ ପାଟନା ମ୍ୟାଚ୍ରେ ବିନୟ କୁମାର 57 ରନ୍ରେ 4 ଓ୍ବିକେଟ୍ ଅକ୍ତିଆର କରିଥିବା ବେଳେ ପୁଡୁଚେରୀ 10 ଓ୍ବିକେଟ୍ରେ ବିଜୟୀ ହୋଇଥଲା । ଏହି ମ୍ୟାଚ୍ ପୂର୍ବରୁ ବିନୟ କର୍ଣ୍ଣାଟକ ପାଇଁ 397 ଓ୍ବିକେଟ ଅକ୍ତିଆର କରିଥିଲେ । ପଶ୍ଚିମବଙ୍ଗର ବାମହାତୀ ସ୍ପିନର ଉତ୍ପଳ ଚାଟାର୍ଜୀଙ୍କୁ ଅତିକ୍ରମ କରି ବିନୟ 10ମ ସ୍ଥାନରେ ପହଞ୍ଚିଛନ୍ତି । 637 ଓ୍ବିକେଟ ସହିତ ରାଜିନ୍ଦର ଗୋଏଲ ଏହି ତାଲିକାର ଏକ ନମ୍ବର ସ୍ଥାନରେ ରହିଛନ୍ତି । ଉଲ୍ଲେଖଯୋଗ୍ୟ ଯେ, ବିନୟ କୁମାର ଗୋଟିଏ ଟେଷ୍ଟ, 31ଟି ଦିନିକିଆ ଏବଂ 9ଟି ଟି20 ମୁକାବିଲାରେ ଭାରତୀୟ ଜର୍ସିରେ ନଜର ଆସିଛନ୍ତି । (ଏଜେନ୍ସୀ)
