କୋଲକାତା, ୧୪/୧୨: ନାଗରିକତ୍ବ ସଂଶୋଧନ ବିଲ୍କୁ ନେଇ ପୂର୍ବ ଭାରତରେ ବିରୋଧ, ହିଂସା ଓ ଉତ୍ତେଜନା ଲାଗି ରହିଛି। ଦେଶରେ ଅଧିକାଂଶ ଭାଗରେ ଏହାକୁ ବିରୋଧ କରାଯାଉଛି। ପଶ୍ଚିମବଙ୍ଗରେ ମଧ୍ୟ ଏହାକୁ ନେଇ ବିରୋଧ ଦେଖାଦେଇଛି। ଏପରି ପରିସ୍ଥିତିକୁ ଦେଖି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟବାସୀଙ୍କୁ କୌଣସି ପ୍ରକାରର ହିଂସା ସୃଷ୍ଟି ନ କରିବାକୁ ଅନୁରୋଧ କରିଛନ୍ତି। ପଶ୍ଚିମବଙ୍ଗରେ ଏନ୍ଆରସି ଲାଗୁ ହେବ ନାହିଁ ବୋଲି ପ୍ରତିଶ୍ରୁତି ମଧ୍ୟ ଦେଇଛନ୍ତି ମମତା। ତେଣୁ ଏହି ନିୟମକୁ ବିରୋଧ କରି ଆଇନକୁ ହାତକୁ ନ ନେବାକୁ ଜନସାଧାରଣଙ୍କୁ ଅପିଲ୍ କରିଛନ୍ତି । ପୁର୍ବ ଭାରତରେ ଦେଖାଦେଇଥିବା ବିରୋଧ ଯୋଗୁଁ ଭାରତୀୟ ଟ୍ରେନ୍ ଚଳାଚଳା ବିଶେଷ ଭାବରେ ବାଧାପ୍ରାପ୍ତ ହୋଇଛି। (ଏଜେନ୍ସି)
