କରାଚୀ,17/12 : ପାକିସ୍ତାନର ଏକ ସ୍ବତନ୍ତ୍ର କୋର୍ଟ ପୂର୍ବତନ ପାକିସ୍ତାନ ରାଷ୍ଟ୍ରପତି ପରଭେଜ୍ ମୁଶାରଫଙ୍କୁ ଫାଶୀଦଣ୍ଡରେ ଦଣ୍ଡିତ କରିଛନ୍ତି । ମଙ୍ଗଳବାର ତିନିଜଣିଆ ଖଣ୍ଡପୀଠ ଏହି ନିଷ୍ପତ୍ତି ନେଇଥିବା ଜଣାପଡିଛି। 2007ରେ ଦେଶରେ ଜରୁରୀକାଳୀନ ପରସ୍ଥିତି ଜାରି କରିବା ସହିତ ସମସ୍ତ ବିଚାରପତିଙ୍କୁ ବନ୍ଦ କରି ରଖିଥିଲେ ମୁଶାରଫ୍ । ପେଶାଓ୍ବାର ହାଇକୋର୍ଟର ମୁଖ୍ୟ ବିଚାରପତି ଓ୍ବାକର ଅହମଦ୍ଙ୍କ ନେତୃତ୍ବରେ ଗଠିତ ଖଣ୍ଡପୀଠ ଏହି ମାମଲାର ରାୟ ଶୁଣାଇଥିଲେ । ପାକିସ୍ତାନ ସମ୍ବିଧାନର ଧାରା 6 ଅନୁଯାୟୀ ମୁଶାରଫଙ୍କୁ ଦୋଷୀ ସାବ୍ୟସ୍ତ କରାଯାଇଥିଲା । ତିନି ଜଣିଆ ଖଣ୍ଡପୀଠରୁ ଦୁଇ ଜଣ ମୁଶାରଫଙ୍କ ଫାଶୀକୁ ସମ୍ମତି ପ୍ରଦାନ କରିଥିଲେ । (ଏଜେନ୍ସୀ)
pakistan intelligence used jem to target india, says parvez musharaff