ମୁମ୍ବାଇ,18/12 : ଓସ୍କାର ଦୌଡରେ ରହିଥିବା ଏକମାତ୍ର ଭାରତୀୟ ଚଳଚିତ୍ର ଗଲିବୟ ଓସ୍କାର ଦୌଡରୁ ବାଦ ପଡିଛି । ମଙ୍ଗଳବାର ଓସ୍କାର କମିଟି ପକ୍ଷରୁ ଫିଲ୍ମଟି ବାଦ ପଡିଥିବା ନେଇ ସୂଚନା ପ୍ରଦାନ କରାଯାଇଥିଲା । ଏହାପରେ ଫିଲ୍ମ ପ୍ରଶଂସକ ଭାରତୀୟ ଜୁରିକୁ ଦୋଷ ଦେବା ଆରମ୍ଭ କରିଥିଲେ । ଅନ୍ଧାନ୍ଧୁନ ଏବଂ ତୁମ୍ବାଡ ପରି ଫିଲ୍ମକୁ ବାଦ ଦେଇ ଜୁରୀ ପକ୍ଷରୁ ଗଲିବୟକୁ ମନୋନୀତ କରାଯାଇଥିଲା । ବିଦେଶୀ ଫିଲ୍ମ ବର୍ଗରେ ବଙ୍ଗ ଜୁନ୍ ହୁଙ୍କ ପାରାସାଇଟ୍ ରହିଥିବା ବେଳେ ଗଲିବୟ ଏହି ତାଲିକାରୁ ବାଦ ପଡିଛି । (ଏଜେନ୍ସୀ)
