ଲକ୍ଷ୍ନୌ,19/12 : ଉତ୍ତର ପ୍ରଦେଶର ଲକ୍ଷ୍ନୌରେ ନାଗରିକତ୍ବ ସଂଶୋଧନ ଆଇନକୁ ବିରୋଧ କରି ପ୍ରତିବାଦ କରାଯାଇଛି । ଏହି ପ୍ରତିବାଦ ସମୟରେ ପ୍ରତିବାଦକାରୀ ମାନେ ଏକ ବସ୍ରେ ନିଆଁ ଲଗାଇ ଦେଇଥିଲେ । ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌ ସମେତ ରାଜ୍ୟର ବିଭିନ୍ନ ସହରକୁ ଏହି ହିଂସା ବ୍ୟାପିଥିଲା । ସମ୍ଭଲରେ ଏକ ବସ୍କୁ ନିଆଁ ଲଗାଇ ଦିଆଯାଇଥିଲା । ଏହି ଘଟଣା ପରେ ପୋଲିସ୍ 17 ଜଣଙ୍କୁ ଅଟକ ରଖିବା ସହିତ ପଶ୍ଚିମ ଉତ୍ତର ପ୍ରଦେଶରେ ଇଣ୍ଟରନେଟ ସେବା ବନ୍ଦ କରି ଦେଇଥିଲା । ସେହିପରି କୁଶିନଗରରେ ବିକ୍ଷୋଭକାରୀ ମାନେ ପୋଲିସ୍ ଉପରକୁ ପଥର ଫିଙ୍ଗିଥିଲେ । (ଏଜେନ୍ସୀ)
