ଲାହୋର,25/12 : ଆତଙ୍କବାଦୀଙ୍କୁ ଅର୍ଥଯୋଗାଣ ମାମଲାରେ ହାଫିଜ୍ ସଇଦ୍ର ଶୁଣାଣୀ ଆସନ୍ତା ଜାନୁୟାରୀ 2 ପର୍ଯ୍ୟନ୍ତ ସ୍ଥଗିତ ରହିଛି । ମୁମ୍ବାଇ ଆକ୍ରମଣର ମାଷ୍ଟର ମାଇଣ୍ଡ ହଫିଜ୍ ସଇଦ୍ଙ୍କ ଶୁଣାଣି ଆଜି ହେବାର ଥିବା ବେଳେ ଓକିଲଙ୍କ ଆନ୍ଦୋଳନ କାରଣରୁ ଆଜି ଶୁଣାଣିକୁ ସ୍ଥଗିତ ରଖାଯାଇଛି । ହଫିଜ୍ ସଇଦ୍ ଏବଂ ତା’ର ତିନି ଜଣ ସହଯୋଗୀଙ୍କ ବିରୋଧରେ ଡିସେମ୍ବର 11ରେ ମାମଲା ଆରମ୍ଭ କରାଯାଇଥିଲା । ଆତଙ୍କ ନିରୋଧୀ ସ୍କ୍ବାଡ୍ ପକ୍ଷରୁ ସ୍ବତନ୍ତ୍ର କୋର୍ଟରେ ଆଜି ଶୁଣାଣି ହେବାର ଥିବାବେଳେ ଓକିଲଙ୍କ ଆନ୍ଦୋଳନ କାରଣରୁ ବିଚାର ପ୍ରକ୍ରିୟା ସ୍ଥଗିତ ରଖାଯାଇଛି । ଆସନ୍ତା ଜାନୁୟାରୀ 2 ତାରିଖରେ ଏହି ମାମଲାର ପରବର୍ତ୍ତୀ ଶୁଣାଣି ହେବ ବୋଲି ଜଣାପଡିଛି । (ଏଜେନ୍ସୀ)
Tags: hafeezsaeed, terrorfunding
