ସମୀକ୍ଷା ବ୍ୟୁରୋ
ରାଉରକେଲା, 28/12 :ରାଉରକେଲା ଇସ୍ପାତ କାରଖାନା ପରିସରରେ ବିନା କାଗଜ ପତ୍ର , ବିନା ଏଣ୍ଟ୍ରି ପାସରେ ପଶିଥିବା ଦୁଇଟି ଟ୍ରେଲର୍ ଜବତ ହୋଇଛି । ଏହା ସହିତ କମ୍ପାନୀର 4 ଜଣ କର୍ମଚାରୀଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯାଇଛି । ଶୁକ୍ରବାର ଅପରାହ୍ନରେ ପ୍ଲେଟ ମିଲ୍ ନିକଟରୁ ଆର୍ଏସ୍ପି କ୍ରାଇମ ବ୍ରାଞ୍ଚ ଏବଂ ଭିଜିଲାନ୍ସ ଟିମ୍ ଏହି ଟ୍ରେଲର୍ ଜବତ କରିଥିଲା । ଟାଙ୍ଗରପାଲି ଥାନାରେ ମାମଲା ରୁଜୁ କରାଯିବା ପରେ ପୋଲିସ୍ ଏବଂ ସିଆଇଏସଏଫ୍ ପକ୍ଷରୁ ତଦନ୍ତ ଆରମ୍ଭ କରାଯାଇଛି ।
