କୋଲକତା, 3/1: ନାଗରିତା ସଂଶୋଧନ ଆଇନ (ସିଏଏ)କୁ ବିରୋଧରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ପୁଣିଥରେ ବିଜେପିକୁ ଟାର୍ଗେଟ କରିଛନ୍ତି । ମୋଦି ସରକାରଙ୍କୁ କଟାକ୍ଷ କରି କହିଛନ୍ତି ଯେ, ସେ ସର୍ବଦା ଆମ ଦେଶ ସହିତ ପାକିସ୍ତାନର ତୁଳନା କରୁଛନ୍ତି। ଆପଣଙ୍କୁ ହିନ୍ଦୁସ୍ତାନ ବା ଭାରତୀୟଙ୍କ କଥା କହିବା ଉଚିତ୍ । ଆମକୁ ପାକିସ୍ତାନ ନିର୍ମାଣ କରିବାର ନାହିଁ । ଆମେ ଭାରତକୁ ପ୍ରେମ କରୁଛୁ। କିନ୍ତୁ ସେ ସବୁବେଳେ ପାକିସ୍ତାନ ବିଷୟରେ କହୁଛନ୍ତି। ପାକିସ୍ତାନର ଚର୍ଚ୍ଚା ପାକିସ୍ତାନ କରିବା ଉଚିତ୍ । ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କ’ଣ ପାକିସ୍ତାନର ରାଷ୍ଟ୍ରଦୂତ ବୋଲି ପ୍ରଶ୍ନ କରିଛନ୍ତି ମମତା। ଆମେ ଭାରତରେ ପାକିସ୍ତାନ ବିଷୟରେ ଚର୍ଚ୍ଚା କ’ଣ ପାଇଁ କରିବା। ଏହା ଆମର ଜନ୍ମଭୂମି। ଏତେ ବର୍ଷ ପରେ ବି ଆମକୁ ଆମ ନାଗରିକତ୍ବ ପ୍ରମାଣ କରିବାକୁ ପଡିବ । ଗୃହମନ୍ତ୍ରୀ କହିଲେ ଦେଶରେ ଏନ୍ଆରସି ହେବ କିନ୍ତୁ ପ୍ରଧାନମନ୍ତ୍ରୀ କହିଲେ ତାଙ୍କୁ ସେ ବିଷୟରେ ଜଣାନାହିଁ। ପଶ୍ଚିମବଙ୍ଗରେ ମମତା ବାନାର୍ଜୀ ଏନ୍ପିଆରକୁ ଅନୁମତି ନ ଦେବା ନେଇ କହିଛନ୍ତି ଯେ, ପ୍ରଥମେ ଆମେ ଏହାକୁ ଜନଗଣନାର ଅଂଶବିଶେଷ ଭାବୁଥିଲୁ। କିନ୍ତୁ ଏବେ ଜଣାପଡିଲା ଯେ, ଏଥିରେ ଅନ୍ୟ ବିବରଣୀ ମଧ୍ୟ ଦେବାକୁ ପଡିବ । ଆମର ଠିକଣା ପାକିସ୍ତାନ ନୁହେଁ, ଆମେ ସ୍ବତନ୍ତ୍ର ଭାରତର ନାଗରିକ। ଆମଠୁ ଆମ ଅଧିକାର ଛଡାଇ ନେବାକୁ ଦେବୁ ନାହୁଁ ବୋଲି କହିଛନ୍ତି ମମତା। (ଏଜେନ୍ସି)
