ନିଜାମାବାଦ,04/01: ଏଆଇଏମ୍ଆଇଏମ୍ ସାଂସଦ ଅସଦ୍ଦୁଦ୍ଦିନ୍ ଓଓ୍ବେସୀଙ୍କ ବିରୋଧରେ ବିଜେପି ସାଂସଦ ଅଶାଳୀନ ମନ୍ତବ୍ୟ ଦେଇଛନ୍ତି । ସିଏଏକୁ ଓଓ୍ବେସୀ ବିରୋଧ କରିଥିବାରୁ ନିଜାମାବାଦ ସାଂସଦ ଧରମପୁରୀ ଅରବିନ୍ଦ ଏହି ମନ୍ତବ୍ୟ ଦେଇଛନ୍ତି । ଓଓ୍ବେସୀଙ୍କୁ କ୍ରେନ୍ରେ ଓଲଟା ଟଙ୍ଗାଇ ତାଙ୍କ ଦାଢି କାଟି ଦିଆଯିବା ଉଚିତ । ଏହି ଦାଢିକୁ କଟାଯାଇ ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆରଙ୍କ ମୁହଁରେ ଲଗାଯିବା ଉଚିତ୍ ବୋଲି ଅରବିନ୍ଦ ମତ ଦେଇଛନ୍ତି । ନିଜାମାବାଦରେ ସିଏଏ ବିରୋଧରେ ଓଓ୍ବେସୀ ଏକ ସଭା କରିବା ପରେ ଏହି ମତ ଦେଇଛନ୍ତି ଅରବିନ୍ଦ । ଏହା ସହିତ କେସିଆରଙ୍କୁ ଜଣେ ମୌଲବୀ ଏବଂ କେଟିଆରଙ୍କୁ ନାସ୍ତିକ ଭାବରେ ଅଭିହିତ କରିଛନ୍ତି ଅରବିନ୍ଦ । (ଏଜେନ୍ସୀ)
