ନୂଆଦିଲ୍ଲୀ, 6/ 1: ଜେଏନ୍ୟୁରେ ହିଂସା ଆକ୍ରମଣ ପରେ ଏବେ ସେଠାରେ ରହୁଥିବା ଛାତ୍ରଛାତ୍ରୀମାନେ ଭୟର ତ୍ରସ୍ତ ହୋଇଛନ୍ତି। କିଛି ଛାତ୍ରଛାତ୍ରୀ ବିଶ୍ବବିଦ୍ୟାଳୟ ଛାଡି ଯାଉଥିବାର ଜଣାଯାଇଛି। ଏବେ ବିଶ୍ବବିଦ୍ୟାଳୟ ପରିସରକୁ ନେଇ ଛାତ୍ରଛାତ୍ରୀମାନେ ଅନିଶ୍ଚିତତା ଭିତରେ ରହିଛନ୍ତି। ସ୍ଥିତି ସାମାନ୍ୟ ହେଲେ ପୁନର୍ବାର କ୍ୟାମ୍ପସ୍କୁ ପ୍ରତ୍ୟାବର୍ତ୍ତନ କରିବେ ବୋଲି ଛାତ୍ରଛାତ୍ରୀମାନେ ସୂଚନା ଦେଇଛନ୍ତି। ସ୍ଥିତିରେ ସୁଧାର ଲାଗି କ୍ୟାମ୍ପସ୍ ଆଗରେ ମେନ୍ଗେଟ୍ରେ ପୁଲିସ୍ ରହିଛନ୍ତି। ସୂଚନାଯୋଗ୍ୟ, ଜେଏନ୍ୟୁର ଛାତ୍ର ସଂଘ ଏହି ଆକ୍ରମଣ ଘଟଣା ପାଇଁ ଏବିଭିପି ବିଦ୍ୟାର୍ଥୀ ପରିଷଦକୁ ଦାୟୀ କରିଛନ୍ତି। ଅପରପକ୍ଷେ ଏବିଭିପି ଛାତ୍ର ସଂସଦ ଲେଫ୍ଟ ଓ୍ବିଙ୍ଗ୍ ଉପରେ ମାରପିଟ୍ରେ ଅଭିଯୋଗ ରିଛନ୍ତି। ଜେଏନ୍ୟୁରେ ବର୍ଦ୍ଧିତ ଫି’କୁ ନେଇ ବହୁ ସମୟ ଧରି ବିରୋଧ ପ୍ରଦର୍ଶନ ଚାଲୁରହିଥିଲା। ଏହି ଆକ୍ରମଣ ଘଟଣାରେ ତଦନ୍ତ ଆରମ୍ଭ କରିଛି। (ଏଜେନ୍ସି)
Tags: jnuviolence
