ମୁମ୍ବାଇ : ଜେଏନ୍ୟୁରେ ହୋଇଥିବା ହିଂସା ଆକ୍ରମଣକୁ ନେଇ ରାଜନୈତିକ ବୟାନବାଜୀ ଆରମ୍ଭ ହୋଇଗଲାଣି । ଏହି ଘଟଣାରେ ମୋଦି ସରକାରକୁ ଟାର୍ଗେଟ୍ କରିଛନ୍ତି ଶିବସେନା ନେତା ସଂଜୟ ରାଉତ। ଛାତ୍ର ଆଜି ନିଜ ଦେଶରେ ସୁରକ୍ଷିତ ନଥିବାବେଳେ ମୋଦି ସରକାର ସିଏଏକୁ ନେଇ ବ୍ୟସ୍ତ ରହିଛନ୍ତି । ଶିବସେନା ସାଂସଦ ସଞ୍ଜୟ ରାଉତ କହିଛନ୍ତି ଯେ, ଦେଶର ରାଜଧାନୀ ଦିଲ୍ଲୀରେ ପୋଲିସ୍ କେବେ ବିଶ୍ବବିଦ୍ୟାଳୟରେ ପସି ଫାୟାରିଂ କରୁଛନ୍ତି ତ କେତେବେଳେ ଦୁର୍ବୃର୍ତ୍ତମାନେ ପସି ଛାତ୍ରଙ୍କ ଉପରେ ଆକ୍ରଣମ କରୁଛନ୍ତି । ସମ୍ପୂର୍ଣ୍ଣ ଭାବରେ ଆଇନର ଊଲ୍ଲଂଘନ ହେଉଛି, ଏହା ଠିକ୍ ନୁହେଁ । ଏହି ସମୟରେ ଗୃହମନ୍ତ୍ରୀ ଯାଞ୍ଚ ବୈଠକ କରିବା ଦରକାର। ଆକ୍ରମଣକାରୀ କିଏ, ଓ ଏହି ହିଂସା ପଛରେ କାରଣ କ’ଣ ରହିଛି, ତାହାର ଯାଞ୍ଚ ହେବା ନିତାନ୍ତ ଆବଶ୍ୟକ ବୋଲି ସଞ୍ଜୟ ରାଉତ କହିଛନ୍ତି । ସୂଚନାଯୋଗ୍ୟ ରବିବାର ରାତିରେ ଜେଏନ୍ୟୁରେ ହୋଇଥିବା ହିଂସା ଆକ୍ରମଣରେ 25 ଜଣ ଛାତ୍ର ଆହତ ହୋଇଛନ୍ତି । ଏହି ଘଟଣା ପାଇଁ ଏବିଭିପି ଓ ଏଆଇଏସ୍ଏ ଉଭୟ ଉଭୟଙ୍କ ଉପରେ ଆରୋପ ପ୍ରତ୍ୟାରୋପ ଲଗାଇଛନ୍ତି । ଏପର୍ଯ୍ୟନ୍ତ ଆକ୍ରମଣକାରୀଙ୍କ ଚିହ୍ନଟ ହୋଇପାରିନାହିଁ । (ଏଜେନ୍ସି)
