ଅହମ୍ମଦାବାଦ, 7/1: ଜେଏନ୍ୟୁ ହିଂସା ନେଇ ଦେଶର ବିଭିନ୍ନ ସହରରେ ପ୍ରଦର୍ଶନ ଜାରି ରହିଛି। ମଙ୍ଗଳବାର ଗୁଜରାଟ ଅହମ୍ମଦାବାଦ୍ରେ ଏବିଭିପି-ଏନ୍ଏସ୍ୟୁଆଇ କର୍ମକର୍ତ୍ତା ମୁହାଁମୁହିଁ ହୋଇଛନ୍ତି। ଉଭୟପକ୍ଷଙ୍କ ମଧ୍ୟରେ ମାଡ଼ପିଟ ହୋଇଛି। ଏହା ସହିତ ଉଭୟ ପକ୍ଷଙ୍କ ମଧ୍ୟରେ ଟେକା ପଥର ମାଡ଼ ହୋଇଥିବା ପୋଲିସ ପକ୍ଷରୁ ସୂଚନା ଦିଆଯାଇଛି। ଏଥିରେ କେତେକ ସାଧାରଣ ଲୋକ ଆହତ ହୋଇଥିବା କୁହାଯାଉଛି। ଏବିଭିପି କାର୍ଯ୍ୟାଳୟ ନିକଟରେ ଉଭୟ ପକ୍ଷ ମୁହାଁମୁହିଁ ହୋଇଛନ୍ତି।
ଦିଲ୍ଲୀ ଜେଏନ୍ୟୁରେ ହୋଇଥିବା ହିଂସାକୁ ନେଇ ବିଭିନ୍ନ ସହରରେ ବିରୋଧ ପ୍ରଦର୍ଶନ ଜାରି ରହିଥିବାବେଳେ ମଙ୍ଗଳବାର ଗୁଜୁରାଟର ଅହମ୍ମଦାବାଦରେ ଏବିଭିପି ଓ ଏନ୍ଏସ୍ୟୁଆଇର କର୍ମକର୍ତ୍ତା ମୁହାଁମୁହିଁ ହୋଇଛନ୍ତି । ଉଭୟଙ୍କ ମଧ୍ୟରେ ମାରପିଟ୍ ହେବା ସହିତ ଟେକା ପଥର ମାଡ଼ ହୋଇଥିବାର ସୂଚନା ରହିଛି । ଏହି ଘଟଣାରେ କିଛି ଆହତ ମଧ୍ୟ ହୋଇଛନ୍ତି । ଜାନୁଆରୀ 5 ତାରିଖରେ ଜେଏନ୍ୟୁରେ ହୋଇଥିବା ହିଂସା ପରେ ଦେଶର ଅନେକ ବିଶ୍ବବିଦ୍ୟାଳୟରେ ବିରୋଧ ପ୍ରଦର୍ଶନ କରାଯାଉଛି । ଯାଦବପୁର ବିଶ୍ବବିଦ୍ୟାଳୟରେ ମଧ୍ୟ ସୋମବାର ଦିନ ବିରୋଧ ପ୍ରଦର୍ଶନ କରାଯାଇଥିଲା । ଯାଦବପୁର ବିଶ୍ବବିଦ୍ୟାଳୟ ସମେତ ମୁମ୍ବାଇର ଗେଟ୍ଓ୍ବେ ଅଫ୍ ଇଣ୍ଡିଆଠାରେ ମଧ୍ୟ ବିରୋଧ ପ୍ରଦର୍ଶନ କରାଯାଇଥିଲା । ଏଥିରେ ଅନୁରାଗ କଶ୍ୟପ, ବିଶାଳ ଭରଦ୍ବାଜ, ତାପସୀ ପନ୍ନୁଙ୍କ ପରି ବହୁ ବଲିଉଡ୍ ହସ୍ତୀ ଉପସ୍ଥିତ ରହିଥିଲେ । (ଏଜେନ୍ସି)
