ଉତ୍ତରପ୍ରଦେଶ : ଉତ୍ତରପ୍ରଦେଶରେ ଜାରି ହେଲା ପୋଲିସ୍ କମିଶନରେଟ ସିଷ୍ଟମ୍ । ପ୍ରଦେଶର ରାଜଧାନୀ ଲକ୍ଷ୍ନୌର କମିଶନର ହେଲେ ସୁଜିତ୍ ପାଣ୍ଡ । ନୋଏଡାର ପୋଲିସ୍ କମିଶନର ଭାବେ ନିଯୁକ୍ତି ପାଇଲେ ଆଲୋକ ସିଂହ । ଯୋଗୀ ସରକାର ଏନେଇ ଘୋଷଣା କରିଛନ୍ତି । ୟୁପିର ଯୋଗୀ ସରକାର ନୋଏଡା ଓ ଲକ୍ଷ୍ନୌଠାରେ ପୁଲିସ୍ କମିଶନର ସିଷ୍ଟମ୍ ଲାଗୁ ହେବା ନେଇ ନିଷ୍ପତ୍ତି ନେଇଥିଲେ। ଲୋକଭବନଠରେ କ୍ୟାବିନେଟ୍ ବୈଠକ ପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହା ଘୋଷଣା କରିଛନ୍ତି। ଏବେ ନୋଏଡା ଓ ଲକ୍ଷ୍ନୌଠାରେ ଆଇନ୍ ବ୍ୟବସ୍ଥାର ଦାୟିତ୍ବ ପୁଲିସ୍ ଅଫିସରଙ୍କ ଉପରେ ନ୍ୟସ୍ତ ରହିବ। ଏବେ ପୁଲିସ୍ ଅଫିସରଙ୍କୁ ମାଜିଷ୍ଟ୍ରେଟ୍ ପାଓ୍ବାର ମଧ୍ୟ ମିଳିବ। ଆଇନ କାନୁନ ବ୍ୟବସ୍ଥାରେ ସୁଧାର ପାଇଁ ନୋଏଡା ଏବଂ ଲକ୍ଷ୍ନୌରେ ଏହି ବ୍ୟବସ୍ଥାର ଆରମ୍ଭ କରାଯାଇଛି । (ଏଜେନ୍ସି)
