ସମୀକ୍ଷା ବ୍ୟୁରୋ
ଭୁବନେଶ୍ବର : ଆଜି ଭୁବନେଶ୍ୱରରୁ ସୁରତକୁ ସିଧା ବିମାନ ସେବା ଆରମ୍ଭ ହୋଇଛି । ସକାଳ 8.40 ମିନିଟ୍ ସମୟରେ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରୁ ଏହି ବିମାନଟି ସୁରତ ଅଭିମୁଖମେ ଯାତ୍ରା କରିଛି । ଏୟାର ଇଣ୍ଡିଆର ଏ-320 ବିମାନଟି 180 ଜଣ ଯାତ୍ରୀଙ୍କୁ ନେଇ ଉଡାଣ ଭରିଥିଲା । ବିମାନଟି 10.40ରେ ସୁରତରେ ପହଞ୍ଚିବ । ବିମାନଟି ସପ୍ତାହକୁ ଦୁଇଥର ସୋମବାର ଏବଂ ଗୁରୁବାର ଯାତ୍ରା କରିବ ବୋଲି ଜଣାପଡିଛି । ବେସାମରିକ ମନ୍ତ୍ରାଳୟର ଯୁଗ୍ମ ସଚିବ ଉଷା ପାଢୀ ଟ୍ବିଟ୍ କରି ବିମାନ ଯାତ୍ରା ସମ୍ପର୍କରେ ଘୋଷଣା କରିଛନ୍ତି ।
