ରାୟପୁର : ଛତିଶଗଡରେ ସୁରକ୍ଷା ବଳ ଏବଂ ମାଓବାଦୀଙ୍କ ମଧ୍ୟରେ ଏକ ଏନ୍କାଉଣ୍ଟର ସଙ୍ଗଠିତ ହୋଇଛି । ଏହି ଏନକାଉଣ୍ଟରରେ ଜଣେ ମହିଳା ମାଓବାଦୀ ପ୍ରାଣ ହରାଇଛନ୍ତି । ଛତିଶଗଡର ବିଜାପୁରରେ ପୋଲିସ୍ ଏବଂ ସିଆରପିଏଫ୍ ପକ୍ଷରୁ ମିଳିତ ଭାବରେ କମ୍ବିଂ ଅପରେସନ୍ କରାଯାଉଥିବା ବେଳେ ଏହି ଏନ୍କାଉଣ୍ଟର ହୋଇଛି । ରବିବାର ରାତି 9ଟା ସମୟରେ 204 କୋବ୍ରା ବାଟାଲିୟନ୍ ଏବଂ ସିଆରପିଏଫ୍ର 168 ବାଟାଲିୟନ୍ ପକ୍ଷରୁ ଏହି କମ୍ବିଂ ଅପରେସନ୍ କରାଯାଇଥିଲା । ବିଜାପୁରର ଟେକାଲଗୁଡେମରେ କମ୍ବିଂ ସମୟରେ ମାଓବାଦୀଙ୍କ ପକ୍ଷରୁ ଗୁଳିଚାଳନା କରାଯାଇଥିବା ବେଳେ ପ୍ରତି ଆକ୍ରମଣରେ ମହିଳା ମାଓବାଦୀ ପ୍ରାଣ ହରାଇଥିଲେ । ସୁରକ୍ଷା ବଳଙ୍କ ପକ୍ଷରୁ ମହିଳାଙ୍କ ମୃତ ଶରୀର ସହିତ ତିନୋଟି ରାଇଫଲ ଜବତ କରାଯାଇଥିବା ନେଇ ସୂଚନା ପ୍ରଦାନ କରାଯାଇଛି । ଏକାଧିକ ମାଓବାଦୀ ଲୁଚି ରହିଥିବା ନଇ ସୂଚନା ରହିଥିବା ବେଳେ ପୋଲିସ୍ ପକ୍ଷରୁ ସର୍ଚ୍ଚ ଅପରେସନ୍ ଜାରି ରହିଛି । (ଏଜେନ୍ସୀ)
