ଡାଭୋସ୍ : ସ୍ବିଜରଲ୍ୟାଣ୍ଡର ଡାଭୋସ୍ରେ ଅନୁଷ୍ଠିତ ବିଶ୍ବ ଅର୍ଥନୈତିକ ସମ୍ମିଳନୀରେ ଆମେରିକୀୟ ଶିଳ୍ପପତି ଜର୍ଜ ସୋରୋସ୍ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମାଲୋଚନା କରିଛନ୍ତି । ମୋଦିଙ୍କ ଉଗ୍ର ହିନ୍ଦୁତ୍ବବାଦୀ ଚିନ୍ତାଧାରାକୁ ସୋରୋସ୍ ସମାଲୋଚନା କରିଛନ୍ତି । ସେହିପରି ସମଗ୍ର ବିଶ୍ବରେ ଦକ୍ଷିଣପନ୍ଥୀ ରାଜନୈତିକ ଦଳ ମାନଙ୍କର ବର୍ଦ୍ଧିତ ପ୍ରଭାବ ନେଇ ମଧ୍ୟ ସୋରୋସ୍ ଚିନ୍ତା ବ୍ୟକ୍ତ କରିଥିଲେ । ସେହିପରି ବିଭିନ୍ନ ରାଜନୈତିକ ଦଳ ମାନଙ୍କ ପକ୍ଷରୁ ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମର ଅପବ୍ୟବହାର ନେଇ ସୋରୋସ୍ ମତ ରଖିଥିଲେ । ଭାରତରେ ରାଜନୈତିକ ଫାଇଦା ପାଇଁ ଫେସ୍ବୁକ୍ର ବ୍ୟବହାର କରାଯାଉଛି ବୋଲି ସୋରସ୍ କହିଥିଲେ । କାଶ୍ମୀରରୁ ଧାରା 370 ଉଚ୍ଛେଦ ଏବଂ ବର୍ତ୍ତମାନ ସିଏଏ ଲାଗୁ କରାଯାଇ ମୁସଲିମ ମାନଙ୍କର ନାଗରିକତ୍ବ ଅଧିକାରକୁ କ୍ଷୁର୍ଣ୍ଣ କରାଯାଉଛି ବୋଲି ସୋରୋସ୍ କହିଛନ୍ତି ।
