ସୁନୀଲ୍ କୁମାର ଭୋଳ
ବାଣପୁର: ବାଣପୁର ଗମ୍ଭୀରମୁଣ୍ଡାର ଚାଣକ୍ୟ ପବ୍ଲିକ୍ ସ୍କୁଲର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଉତ୍ସବରେ ମୁଖ୍ୟ ଅତିଥି ରୂପେ ଚିଲିକା ବିଧାୟକ ପ୍ରଶାନ୍ତ କୁମାର ଜଗଦ୍ଦେବ ଯୋଗଦେଇ ପିଲାମାନଙ୍କଠାରେ ଇଂରାଜୀ ଭାଷାର ପ୍ରସାର କିପରି ହୋଇପାରିବ ଏବଂ ପିଲାମାନେ ଇଂରାଜୀ ଭାଷାରେ କିପରି ପ୍ରଗାଢ ଜ୍ଞାନ ଲାଭ କରିପାରିବେ, ସେସମ୍ପର୍କରେ ଗୁରୁତ୍ବାରୋପ କରିଥିଲେ। ସେହିପରି ସ୍କୁଲର ପ୍ରତିଷ୍ଠାତା କେଦାରନାଥ ତରାଇ ବାର୍ଷିକ ବିବରଣୀ ପାଠ କରିଥିଲେ। ବାଣପୁର ବ୍ଲକର ଗୋଷ୍ଠୀ ଶିକ୍ଷା ଅଧିକାରୀ ସନାତନ ଢାଲି ଏହି ଉତ୍ସବର ସଭାପତିତ୍ବ କରିଥିଲେ। କୃତି ବିଦ୍ୟାର୍ଥୀଙ୍କୁ ଏହି ଅବସରରେ ପୁରସ୍କୃତ କରାଯାଇଥିବାବେଳେ ସଭାପତିଙ୍କ ବକ୍ତବ୍ୟ ଶେଷ ପରେ ସଭା ସାଙ୍ଗ କରାଯାଇଥିଲା।
Tags: ଚାଣକ୍ୟ ପବ୍ଲିକ ସ୍କୁଲ, ବାଣପୁର
