ନୂଆଦିଲ୍ଲୀ : ସିଏଏକୁ ନେଇ ଦିଲ୍ଲୀରେ ପରିବେଶ ବେଶ୍ ଅଶାନ୍ତ ରହିଛି । ସୋମବାର ଦିନ ଉତ୍ତରପୂର୍ବ ଦିଲ୍ଲୀରେ ହିଂସାକାଣ୍ଡ ସହିତ ପୋଡାଜଳା ହୋଇଯାଇଛି । ଏଥିରେ 7ଜଣ ଲୋକଙ୍କର ମୃତ୍ୟୁ ଘଟିଛି । ଏହି ମୃତକଙ୍କ ମଧ୍ୟରେ ଜଣେ ହେଡ୍ କନେଷ୍ଟବଳ ରହିଛନ୍ତି । 100ରୁ ଉର୍ଦ୍ଧ୍ବ ଏଥିରେ ଆହତ ହୋଇଥିବାବେଳେ ଆଜି ସକାଳୁ ମଧ୍ୟ ବେଶ୍ ଉତ୍ତେଜନାମୟ ପରିସ୍ଥିତି ରହିଛି। ତେବେ ଦିଲ୍ଲୀରେ ଉତ୍ତରପୂର୍ବ ଅଞ୍ଚଳରେ 144 ଧାରା ଜାରି ରହିଛି।
ଦିଲ୍ଲୀରେ ପରିସ୍ଥିତିକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରୀଓ୍ବାଲ ଜରୁରୀକାଳୀନ ବୈଠକ ଡାକିଥିଲେ। ଲୋକଙ୍କୁ ଶାନ୍ତି ରଖିବା ପାଇଁ ଅପିଲ୍ ମଧ୍ୟ କରିଛନ୍ତି। ଦିଲ୍ଲୀର ଅଶାନ୍ତ ପରିବେଶକୁ ନେଇ ଗୃହମନ୍ତ୍ରୀ ଅମିତ ଶାହା ଦିଲ୍ଲୀର ଉପରାଜ୍ୟପାଳ ଅନିଲ୍ ବୈଜଲ୍ ଓ ମୁଖ୍ୟମନ୍ତ୍ରୀ ଅରବିନ୍ଦ କେଜରୀଓ୍ବାଲଙ୍କ ସମେତ ଦଳର ସମସ୍ତ ପ୍ରତିନିଧିଙ୍କ ସହ ଏକ ବୈଠକ କରିବେ ବୋଲି ଜଣାପଡିଛି। (ଏଜେନ୍ସି)