ସମୀକ୍ଷା ବ୍ୟୁରୋ
ଭୁବନେଶ୍ବର : ରାଜ୍ୟରେ ରହିଥିବା ବିଭିନ୍ନ ଧର୍ମାନୁଷ୍ଠାନର ବିକାଶ ପାଇଁ 23 କୋଟି ଟଙ୍କା ମଞ୍ଜୁର କରାଯାଇଛି । ସ୍ବତନ୍ତ୍ର ସମସ୍ୟା ପାଣ୍ଠିରୁ ଏହି ଅର୍ଥ ଯୋଗାଇ ଦିଆଯିବ ବୋଲି ଜଣାପଡିଛି । ଏଥିରେ ବିଭିନ୍ନ ଧର୍ମାନୁଷ୍ଠାନ ଗୁଡିକର ବିକାଶ କରାଯିବା ସହିତ ଗୋଷ୍ଠୀ କେନ୍ଦ୍ର ନିର୍ମାଣ କରାଯିବ । ତୀର୍ଥଯାତ୍ରୀଙ୍କୁ ସୁରକ୍ଷା ପାଇଁ ମୁଖ୍ୟମନ୍ତ୍ରୀ ଏହି ଅର୍ଥରାଶି ମଞ୍ଜୁର କରିଛନ୍ତି । ଘୋଷିତ ତାଲିକାରେ 10ଟି ମନ୍ଦିର, 5ଟି ଗୀର୍ଜା, 6ଟି ମସ୍ଜିଦ୍ ଏବଂ 2ଟି ଗୁରୁଦ୍ବାରକୁ ସାମିଲ କରାଯାଇଛି । ନିମ୍ନ ଲିଖିତ ସମସ୍ତ ଧାର୍ମିକ ଅନୁଷ୍ଠାନକୁ ଏହି ଧାରାରେ ସାମିଲ କରାଯିବା ସହିତ ପ୍ରତ୍ୟେକ ଧାର୍ମିକ ସ୍ଥଳକୁ 1 କୋଟି ଟଙ୍କା ପ୍ରଦାନ କରାଯିବ ।
ମନ୍ଦିର :
ବରଗଡ : ନୃସିଂହନାଥ ମନ୍ଦିର
ଭଦ୍ରକ : ମା ଭଦ୍ରକାଳୀ ମନ୍ଦିର
ବଲାଙ୍ଗୀର : ହରିଶଙ୍କର
ବୌଦ୍ଧ : ଜଗନ୍ନାଥ ମନ୍ଦିର
ଢେଙ୍କାନାଳ : ଚନ୍ଦ୍ରଶେଖର ଜୀଉ ବିଜେ
ଜଗତସିଂହପୁର : ମା ଶାରଳା ମନ୍ଦିର
ଯାଜପୁର : ମା ବିରଜା ବନ୍ଦିର
କେନ୍ଦୁଝର : ବଳଦେବ ଜୀଉ ମନ୍ଦିର
କୋରାପୁଟ : ଶ୍ରୀ ଗୁପ୍ତେଶ୍ବର ମନ୍ଦିର
ନବରଙ୍ଗପୁର : ନୀଳକଣ୍ଠେଶ୍ବର ମନ୍ଦିର
ଗୀର୍ଜା :
ବଲାଙ୍ଗୀର : ସିଏନ୍ଆଇ ଗୀର୍ଜା
ଖୋର୍ଦ୍ଧା : ବାପ୍ଟିଷ୍ଟ ଗୀର୍ଜା
କଟକ : ମାଉଣ୍ଟ ହାଉସ୍ ଗୀର୍ଜା
କଳାହାଣ୍ଡି : ସେଣ୍ଟ ପଲ୍ ପ୍ରୋଟେଷ୍ଟାଣ୍ଟ ଗୀର୍ଜା
ଭୁବନେଶ୍ବର : ଚର୍ଚ୍ଚ ଅଫ୍ କ୍ରିଷ୍ଟ
ମସ୍ଜିଦ୍ :
ପୁରୀ : ଜାହାନିଆଁ ପୀର
ସୋନପୁର : ହାଜିର ଅବ୍ଦୁଲ ସକୁର ବାବା ତରଭା ସରିଫ୍
ଭଦ୍ରକ : ଦରଘ ଏ ହଜୁର ମୁଜାହିଦ୍ ଏ ମିଲାତ୍
ବାଲେଶ୍ବର : ଭୁଜାଖିଆ ପୀର
ଭୁବନେଶ୍ବର : ଜାମା ମସ୍ଜିଦ୍
ଖୋର୍ଦ୍ଧା : ହଜରତ ବୁଖାରୀ
ଗୁରୁଦ୍ବାର :
ସୁନ୍ଦରଗଡ : ଗୁରୁ ସିଂ ସାହିବ ଗୁରୁଦ୍ବାର
ପୁରୀ : ବଉଳି ମଠ
