ତେଲେଙ୍ଗାନା : ଦେଶରେ କରୋନା ସଂକଟର ମୁକାବିଲା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାରମାନେ ବେଶ୍ କଡା ପଦକ୍ଷେପ ନେଉଛନ୍ତି । କରୋନାର ମୁକାବିଲା କରିବା ପାଇଁ ତେଲେଙ୍ଗାନା ସରକାରଙ୍କ ପକ୍ଷରୁ ଦରମା କାଟ କରିବାକୁ ନିଷ୍ପତ୍ତି ନିଆଯାଇଛି। ରାଜ୍ୟର ସମସ୍ତ କର୍ମଚାରୀ, ପ୍ରଶାସକ ଓ ଜନ ପ୍ରତିନିଧିମାନଙ୍କ ସହ ମୁଖ୍ୟମନ୍ତ୍ରୀଙ୍କ ଦରମା ମଧ୍ୟ କଟାଯିବ ବୋଲି ତେଲେଙ୍ଗାନା ମୁଖ୍ୟମନ୍ତ୍ରୀ ଚନ୍ଦ୍ରଶେଖର ରାଓ ସୂଚନା ଦେଇଛନ୍ତି । ଲକ୍ଡାଉନ୍ର 6 ଦିନ ପୂରଣ କରିବା ପରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିଥିବା ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଛି। ମୁଖ୍ୟମନ୍ତ୍ର ମଧ୍ୟ ନିଜ ଦରମାର 75 ପ୍ରତିଶତ ଦରମା ହ୍ରାସ କରାଯିବ ।
ସେହିପରି ଅନ୍ୟ ସରକାରୀ ଓ ପ୍ରଶାସକ ଓ ଜନ ପ୍ରତିନିଧିମାନଙ୍କର 75 ପ୍ରତିଶତ ଦରମା ହ୍ରାସ କରାଯିବ ବୋଲି ସୂଚନା ରହିଛି । ଏତଦ୍ବ୍ୟତୀତ ପେନ୍ସେନ ପାଉଥିବା କର୍ମଚାରୀମାନଙ୍କ ପଚାଶ ପ୍ରତିଶତ ପେନ୍ସେନରେ ମଧ୍ୟ ହ୍ରାସ କରାଯିବ । କିନ୍ତୁ ଚତୁର୍ଥଶ୍ରେଣୀ କର୍ମଚାରୀ ପିଅନ, ଝାଡୁଦାର, ଡ୍ରାଇଭର ଓ ଚୁକ୍ତି ଭିତ୍ତିକ କର୍ମଚାରୀଙ୍କ ଦରମା ମାତ୍ର ଦଶ ପ୍ରତିଶତ ହ୍ରାସ କରାଯିବ। ତେବେ ଏହି ଦରମା କେତେ ଦିନ ପର୍ଯ୍ୟନ୍ତ ହ୍ରାସ କରାଯିବା ସେନେଇ ସୂଚନା ମିଳିପାରିନାହିଁ । ବର୍ତ୍ତମାନ ସୁଦ୍ଧା ତେଲେଙ୍ଗାନାରେ 77ଜଣ କରୋନା ଦ୍ୱାରା ଆକ୍ରାନ୍ତ ହୋଇଥିବାବେଳେ ଏଠାରେ 7ଜଣଙ୍କର ମୃତ୍ୟୁ ହୋଇଥିବାର ସୂଚନା ମିଳିଛି । (ଏଜେନ୍ସି)
