ଆନ୍ଧ୍ରପ୍ରଦେଶ : କରୋନା ଭାଇରସ୍ରେ କବଳରେ ସାରା ବିଶ୍ବ ଏବେ ଭୀତତ୍ରସ୍ତ । ଅପରପକ୍ଷରେ ଏହି ମହାମାରୀ ସହ ଲଢେଇ କରିବା ପାଇଁ ସାରା ଦେଶରେ ଏବେ ଲକ୍ ଡାଉନ୍ । ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା 1400 ଟପି ସାରିଥିବାବେଳେ ମୃତ୍ୟୁ ସଂଖ୍ୟା ମଧ୍ୟ 32ରୁ ଅଧିକ ହେଲେଣି । କରୋନା ସହ ଲଢେଇ ପାଇଁ ସାରା ଦେଶରେ 21 ଦିନିଆ ଲକ୍ ଡାଉନ୍ ଜାରି ହୋଇଥିବାବେଳେ ଆନ୍ଧ୍ରପ୍ରଦେଶରୁ ଜଣେ ଅଭାବୀ ପିତାର ଦାରୁଣ ଦୁଃଖଦାୟକ ଘଟଣା ସାମ୍ନାକୁ ଆସିଛି । ଅର୍ଥର ଅଭାବ ପାଇଁ ନିଜ ଛୁଆକୁ ଡାକ୍ତରଖାନା ନେଇ ନ ପାରି ପରିଶେଷରେ ପୁଅର ଶବକୁ କାନ୍ଧରେ ବୋହି ମଶାଣିରେ ଚିତା ଜାଳିଛି ।
ଲକ୍ଡାଉନ କାରଣରୁ ପାଞ୍ଚ ବର୍ଷୀୟ ପୁତ୍ରର ମୃତ୍ୟୁ ହୋଇଛି । ଚିକିତ୍ସିତ ହୋଇ ନପାରି କୋମଳମତିର ଜୀବନ ଚାଲିଯାଇଛି । ଏହାପରେ କୌଣସି ସାଧନ ନ ମିଳିବାରୁ ପୁତ୍ରର ପିତା ଜଣକ ନିଜ କାନ୍ଧରେ ପୁତ୍ରର ଶବକୁ ବେହି ବୋହି 88 କିଲୋମିଟର ପର୍ଯ୍ୟନ୍ତ ପାଦରେ ଚାଲି ଚାଲି ଶଶ୍ମାନରେ ପହଞ୍ଚାଇଛି ।
ମିଳିଥିବା ସୂଚନା ଅନୁସାରେ ମୃତ ଶିଶୁର ପିତା ମଞ୍ଚାଲା ମନୋହର ଅନନ୍ତପୁରର ଗେର୍ଟଙ୍ଗଲା କସ୍ବେ ନିକଟସ୍ଥ ଏକ ବସ୍ଷ୍ଟାଣ୍ଡ୍ ନିକଟରେ ଦୋକାନରେ କାମ କରୁଥିଲା । କିଛି ଦିନ ପୂର୍ବେ ଶିଶୁଟିର ଗଳାରେ ସଂକ୍ରମଣ ହୋଇଥିଲା । ଏହା ପରେ ସେ ସ୍ଥାନୀୟ ହସ୍ପିଟାଲରେ ଶିଶୁର ଚିକିତ୍ସା କରୁଥିଲେ । କିନ୍ତୁ ସେଠାରେ ଡାକ୍ତର ଅବସ୍ଥା ଅଧିକ ସଂକଟାପନ୍ନ ହେବାରୁ ବଡ ଡାକ୍ତରଖାନା ନେବା ପାଇଁ କହିଥିଲେ । ପାଖରେ ଅର୍ଥ ଅଭାବ ସହିତ ସାଧନର ଅଭାବ କାରଣରୁ ବଡ ମେଡିକାଲ୍କୁ ନେଇ ପାରିଥିଲେ ଅସହାୟ ବାପା ।
ଅର୍ଥ ଓ ସାଧନ ପାଇଁ ରୋଗରେ ଲଢି ଲଢି ଶିଶୁଟିର ଜୀବନ ଚାଲିଯାଇଛି । ଏହାପରେ ପୁଅ ଶବକୁ ନିଜ କାନ୍ଧରେ ବୋହି ବେହି ଚିତ୍ରାବତୀ ନଦୀ ଘାଟ ନିକଟରେ ପୁଅର ଚିତା ଜାଳିଛନ୍ତି ଅସହାୟ ବାପା ଜଣକ । (ଏଜେନ୍ସି)