ଗତ ୨୬ ତାରିଖରେ ହୋଇଥିବା ଭାରତ ପକ୍ଷରୁ ଏୟାର୍ ଷ୍ଟ୍ରାଇକ୍କୁ ନେଇ ପ୍ରଶ୍ନ ଉଠାଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଏୟାର ଷ୍ଟ୍ରାଇକ ପରେ ପ୍ରଧାନମନ୍ତ୍ରୀ ମୋଦି କୌଣସି ପ୍ରକାର ପାର୍ଟି ବୈଠକ ଡକାଇନଥିଲେ ତେଣୁ ବାୟୁସେନା ଅପରେସନର ସମ୍ପୂର୍ଣ୍ଣ ବିବରଣୀ ଜାଣିବାକୁ ଚାହିଁଛନ୍ତି ମମତା । ତାଙ୍କ ମତରେ ବାୟୁସେନା ଦ୍ଵାରା କରାଯାଇଥିବା ଏୟାର୍ ଷ୍ଟ୍ରାଇକ୍ ସମ୍ବନ୍ଧ କେଉଁ କେଉଁ ସ୍ଥାନରେ ବୋମା ପଡିଥିଲା ଏବଂ କେତେ ଜଣ ଲୋକ ଏଥିରେ ମରିଥିଲେ ସେ ସବୁର ଟିକିନିଖି ତଥ୍ୟ ଜାଣିବାକୁ ଚାହିଁଛନ୍ତି । ମମତା କିଛି ବିଦେଶୀ ମିଡ଼ିଆ ରିପୋର୍ଟରେ ଭାରତର ଏହି ଏୟାର ଷ୍ଟ୍ରାଇକରେ କାହାର ମଧ୍ୟ ଜୀବନ ଯାଇନାହିଁ ଏବଂ ଆଉ କିଛି ରିପୋର୍ଟରେ ଜଣକର ଜୀବନ ହରାଇଥିବାର ସୂଚନା ପାଇଛନ୍ତି ତେଣୁ ଏହି ବିଷୟ ଉପରେ ପୁଙ୍ଖାନୁପୁଙ୍ଖ ଜାଣିବାକୁ ଚାହୁଁଛନ୍ତି ମମତା । ଭାରତୀୟ ବାୟୁସେନା ତରଫରୁ ଏହି ହମ୍ଲାରେ ୩୦୦ରୁ ୩୫୦ ଆତଙ୍କବାଦୀ ମରିଯିବାର ସୂଚନା ଦିଆଯାଇଛି । ଏହି ସ୍ପଷ୍ଟୀକରଣକୁ ମମତା ଗ୍ରହଣ ନ କରି ସରକାରଙ୍କୁ ଏହି ଆକ୍ରମଣର ସମ୍ପୁର୍ଣ୍ଣ ବିବରଣୀ ମାଗିଛନ୍ତି ।
ଏୟାର୍ ଷ୍ଟ୍ରାଇକ୍କୁ ନେଇ ପ୍ରଶ୍ନ ଉଠାଇଲେ ମମତା
Published:
Mar 1, 2019, 1:44 pm IST
Tags: mamatabanarjee, thesamikhsya
