ବିଦେଶ ରାଜ୍ୟ ମନ୍ତ୍ରୀ ବି.କେ. ସିଂହ ଭାରତୀୟ ୱିଙ୍ଗ୍ କମାଣ୍ଡର୍ ଅଭିନନ୍ଦନଙ୍କ ପ୍ରତ୍ୟାବତ୍ତର୍ନକୁ ସ୍ଵାଗତ କରିବା ସହିତ ପାକିସ୍ତାନ ଶାନ୍ତି ପାଇଁ ନିଜ ପ୍ରତିବଦ୍ଧତାକୁ ମଜବୁତ୍ କରିବା ଉପରେ ପଦକ୍ଷେପ ନେବା ଉଚିତ୍ ବୋଲି ଏକ ଟ୍ଵିଟ୍ କରିଛନ୍ତି । ଏହା ସହିତ ସେ ଆହୁରି ମଧ୍ୟ କହିଛନ୍ତି ଯେ, ଭାରତକୁ ଆତଙ୍କବାଦ ବିରୋଧରେ ପାକିସ୍ତାନ ଦ୍ଵାରା ଏକ ସକରାତ୍ମକ ଓ ପରୀକ୍ଷାମୂଳକ କାର୍ଯ୍ୟାନୁଷ୍ଠାନ ନେବାର ଆବଶ୍ୟକତା ରହିଛି । ଭାରତୀୟ ୱିଙ୍ଗ୍ କମାଣ୍ଡର୍ ଅଭିନନ୍ଦନ ବର୍ଥମାନଙ୍କର ମୁକ୍ତ ଭାରତ-ପାକିସ୍ତାନ ମଧ୍ୟରେ ଥିବା ଜେନେଭା ଚୁକ୍ତି ଅନୁଯାୟୀ ହେଉଛି ବୋଲି ବାୟୁସେନାର ବରିଷ୍ଠ ଅଧିକାରୀ ସ୍ପଷ୍ଟ କରିଛନ୍ତି । ଅଭିନନ୍ଦନଙ୍କ ଭାରତ ପ୍ରତ୍ୟାବର୍ତ୍ତନକୁ ନେଇ ସାରା ଦେଶବାସୀ ଖୁସିରେ ନାଚି ଉଠିଛନ୍ତି । ଗତକାଲି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ଭାରତୀୟ କମାଣ୍ଡର୍ ଅଭିନନ୍ଦନକୁ ଭାରତକୁ ଫେରାଇଦିଆଯିବ ବୋଲି ସଂସଦରେ ଘୋଷଣା କରିଥିଲେ ।