ଆସନ୍ତାକାଲି ରାଜ୍ୟ କ୍ୟାବିନେଟର ଗୁରୁତ୍ବପୂର୍ଣ୍ଣ ବୈଠକ, ଓଡିଶାରେ ଲକଡାଉନ ଅବଧି ବଢିବା ନେଇ ହୋଇପାରେ ନିଷ୍ପତି

Published: Apr 8, 2020, 8:50 am IST

ଭୁବନେଶ୍ବର, ଆସନ୍ତକାଲି ଗୁରୁବାର ସକାଳ 10ଟା 45 ମିନିଟରେ ବସିବ ରାଜ୍ୟ କ୍ୟାବିନେଟର ଗୁରୁତ୍ବପୂର୍ଣ୍ଣ ବୈଠକ। ତେବେ ଏହି ବୈଠକରେ କଣ ଆଲୋଚନା ହେବ ସେ ନେଇ କୌଣସି ସୂଚନା ଦିଆଯାଇ ନାହିଁ। କାରଣ ବର୍ତ୍ତମାନ ଅଫିସ ବନ୍ଦ ଥିବାରୁ ଏବଂ ସମସ୍ତେ କରୋନା ମୁକାବିଲାରେ ଲାଗିଥିବାରୁ କ୍ୟାବିନେଟ ଏଜେଣ୍ଡା ଦିଆଯାଇ ନାହିଁ। ହେଲେ ବର୍ତ୍ତମାନ ପରିସ୍ଥିତିରେ କ୍ୟାବିନେଟ ବୈଠକ ଡକାଯାଇଛି ଅର୍ଥ କରୋନା ମୁକାବିଲା ବ୍ୟତିତ ଅନ୍ୟ କିଛି ହୋଇ ନ ଥିବା ବୋଲି ଜଣେ ମନ୍ତ୍ରୀ କହିଛନ୍ତି। ତେବେ ଏହି ବୈଠକରେ ରାଜ୍ୟରେ ଲକଡାଉନ ଅବଧି ଆଉ କିଛି ସପ୍ତାହ ବୃଦ୍ଧି ପାଇଁ ନିଷ୍ପତି ହୋଇପାରେ ବୋଲି ଜଣାପଡିଛି।

ଏହି କ୍ୟାବିନେଟ ବୈଠକ ମଧ୍ୟ ରାଜ୍ୟ ରାଜନୀତିରେ ଏକ ଇତିହାସ ସୃଷ୍ଟି କରିବାକୁ ଯାଉଛି। କାରଣ ବର୍ତ୍ତମାନ କୋରନା ପାଇଁ ସମସ୍ତ ବୈଠକ ଏବଂ ଏକାଠି ବସିବା ବାତିଲ କରାଯାଇଥିବାରୁ ଏହା ସଂପୂର୍ଣ୍ଣ ଭିଡିଓ କନଫ୍ରେନସିଂ ମାଧ୍ୟମରେ ହେବ। ସେଥିପାଇଁ ଓକାକ ତରଫରୁ ସମସ୍ତ ପ୍ରସ୍ତୁତି କରାଯାଇଛି। କରୋନା ପାଇଁ ରାଜ୍ୟରେ ଏହି କ୍ୟାବିନେଟ ବୈଠକ ପ୍ରଥମ ହାଇଟେକ ବୈଠକ ହେବ।

Related posts