ନୂଆଦିଲ୍ଲୀ : କରୋନା ଭାଇରସ୍ ସହ ଲଢେଇ ପାଇଁ ସାରା ଦେଶରେ ଏବେ ଲକ୍ ଡାଉନ୍ ଜାରି ରହିଛି । ଏହି ଲକ୍ ଡାଉନ୍ ସମୟରେ ଦିଲ୍ଲୀ ପୋଲିସ୍ ମାନବତା ଉଦାହରଣ ନିଦର୍ଶନ ପ୍ରସ୍ତୁତ କରିଛନ୍ତି । ପୋଲିସ୍କୁ ସାହାଯ୍ୟ ମାଗିବାରୁ ଜଣେ କନେଷ୍ଟବଳ ଜଣେ ବୃଦ୍ଧଙ୍କୁ ଘରେ ଔଷଧ ପହଞ୍ଚାଇଛନ୍ତି ।
ମିଳିଥିବା ସୂଚନା ଅନୁସାରେ ପୁଷ୍ପାଞ୍ଜଳି ଏନକ୍ଲେବରେ ରହୁଥିବା ବାଲ ସିଂହ ରାଣା ସୋମବାର ଦିନ ଭୟଙ୍କର ପୀଡ଼ାରେ ରହିଥିଲେ । ସେ ଫୋନ୍ କରି ପୋଲିସ୍କୁ ଏହି ସମ୍ପର୍କରେ ରହିଥିଲେ । ଡାଏବେଟିସ୍ର ରୋଗୀ ହୋଇଥିବାରୁ ସେ ବହୁ କଷ୍ଟ ଅନୁଭବ କରୁଥିଲେ । ଲକ୍ ଡାଉନ୍ ଯୋଗୁଁ ନିକଟସ୍ଥ ସମସ୍ତ ଔଷଧାଳୟର ନିର୍ଦ୍ଦିଷ୍ଟ ମେଡିସିନ୍ ମଳୁନଥିଲା । ଏହାପରେ ବୃଦ୍ଧ ଜଣକ ଏନେଇ ଦିଲ୍ଲୀ ପୋଲିସଙ୍କ ସହାୟତା ଭିକ୍ଷା କରିଥିଲେ। ଏହାପରେ ଦିଲ୍ଲୀ ପୋଲିସ୍ ମେଡ଼ିସିନ୍ କିଣି କନେଷ୍ଟବଳଙ୍କ ସାହାଯ୍ୟରେ ରାଣାଙ୍କ ଘରକୁ ପଠାଇଥିଲେ । ଏହାପରେ ରାଣା ସୁସ୍ଥ ହୋଇଥିଲେ । ଲକ୍ ଡାଉନ୍ ସମୟରେ ପୋଲିସ୍ ଏପରି ସାହାଯ୍ୟ କରିଥିବାରୁ ରାଣା ସେମାନଙ୍କୁ ଆଶୀର୍ବାଦ ଦେବା ସହ ଦିଲ୍ଲୀ ପୋଲିସ୍ର ଏପରି କର୍ତ୍ତବ୍ୟନିଷ୍ଠତାକୁ ପ୍ରଶଂସା କରିଛନ୍ତି । (ଏଜେନ୍ସି)
