ସାଧାରଣ ନିର୍ବାଚନ ତାରିଖ ଘୋଷଣା ହେବା ପରେ ସମସ୍ତ ରାଜନୈତିକ ଦଳ ଭିତରେ ଜୋର୍ସୋର୍ରେ ପ୍ରସ୍ତୁତି ଚାଲିଛି । ସତ୍ତାକୁ ଆସିବା ପାଇଁ ପ୍ରାୟ ସମେସ୍ତ ପ୍ରସ୍ତୁତି ଚଳାଇଛନ୍ତି । ଉତ୍ତରପ୍ରଦେଶରେ ଅଖିଳେଶ – ମାୟାବତୀ ଗଠବନ୍ଧନ କରିସାରିବା ପରେ ଦିଲ୍ଲୀରେ ଆପ୍ ଓ କଂଗ୍ରେସ ମଧ୍ୟରେ ମେଣ୍ଟ ହେବା ନେଇ ଚର୍ଚ୍ଚା ଜୋର୍ ଚାଲିଥିଲା । ସୂତ୍ରରୁ ମିଳିଥିବା ସୂଚନା ଅନୁସାରେ ଆଜି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଦିଲ୍ଲୀ ଦଳର ନେତା ମାନଙ୍କ ସହ ଏହି ବିଷୟରେ ଚର୍ଚ୍ଚା କରିଥିଲେ । ଏହି ବୈଠକରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଏବଂ ଦିଲ୍ଲୀ ପ୍ରଦେଶ ଅଧ୍ୟକ୍ଷା ଶୀଲା ଦୀକ୍ଷିତ ସାମିଲ ହୋଇଥିଲେ । କିନ୍ତୁ ଶେଷରେ ଏହି ମେଣ୍ଟକୁ କଂଗ୍ରେସ ମନା କରିଥିବାର ଜଣାପଡିଛି । ଶୀଲା ଦୀକ୍ଷିତ ଏହି ମେଣ୍ଟ ଉପରେ ପୂର୍ଣ୍ଣଚ୍ଛେଦ ପକାଇ କହିଛନ୍ତି ଦିଲ୍ଲୀରେ କଂଗ୍ରେସ ଏକାକୀ ନିର୍ବାଚନ ଲଢିବ । ଆପ୍କୁ ମେଣ୍ଟ ଦରକାର ଥିଲା, କଂଗ୍ରେସକୁ ନୁହେଁ । ତେବେ ଦିଲ୍ଲୀରେ ଆପ୍ – କଂଗ୍ରେସ ମଧ୍ୟରେ ୩-୩ ଆସନ ଲଢିବା ନେଇ ଚର୍ଚ୍ଚା ଚାଲିଥିଲା ।
