ନୂଆଦିଲ୍ଲୀ : ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା 35 ହଜାର ପାର୍ କରିସାରିଛି । ସ୍ବାସ୍ଥ୍ୟବିଭାଗ ମିଳିଥିବା ସୂଚନା ଅନୁସାରେ ଏବେ ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା 35 ହଜାର 43ରେ ପହଞ୍ଚିଛି। ମୃତ୍ୟୁସଂଖ୍ୟା 1,147ରେ ପହଞ୍ଚିଛି। ସେହିପରି 8 ହଜାର 889ଜଣ ସୁସ୍ଥ ହୋଇଛନ୍ତି।
ଦେଶରେ ସର୍ବାଧିକ କରୋନା ରୋଗୀ ମହାରାଷ୍ଟ୍ରରୁ ଚିହ୍ନଟ ହୋଇଛନ୍ତି। ରାଜ୍ୟରେ 10 ହଜାର ପାର କରିଛି। ଏଠାରେ 10 ହଜାର 498ଟି ମାମଲା ସୃଷ୍ଟି ହୋଇଛି। ସେହିପରି 459ଜଣଙ୍କର ମୃତ୍ୟୁ ହୋଇଛି। ସେହିପରି 1773ଜଣ ସୁସ୍ଥ ହୋଇଛନ୍ତି। ମହାରାଷ୍ଟ୍ର ପରେ ଗୁଜୁରାଟରେ ଅଧିକ କରୋନା ରୋଗୀ ରହିଛନ୍ତି। ଏଠାରୁ 4395ଟି ମାମଲା ଆସିଥିବାବେଳେ 214 ଜଣଙ୍କର ମୃତ୍ୟୁ ହୋଇଛି।
ସେହିପରି ଦିଲ୍ଲୀରେ ସଂକ୍ରମିତଙ୍କ ସଂଖ୍ୟା 3500 ଡେଇଁଥିବାବେଳେ 59ଜଣଙ୍କର ମୃତ୍ୟୁ ହୋଇଛି। ସେହିପରି ମଧ୍ୟପ୍ରଦେଶରେ 2660 ଜଣ ସଂକ୍ରମିତ ହୋଇଥିବାବେଳେ 137ଜଣଙ୍କର ମୃତ୍ୟୁ ହୋଇଛି। ରାଜସ୍ଥାନରେ 2584 ଜଣ ସଂକ୍ରମିତ ହୋଇଥିବାବେଳେ 58ଜଣଙ୍କର ମୃତ୍ୟୁ ହୋଇଛି। ତାମିଲନାଡୁରେ 2323ଜଣ ସଂକ୍ରମିତ ହୋଇଥିବାବେଳେ 27ଜଣଙ୍କର ମୃତ୍ୟୁ ହୋଇଛି। ଉତ୍ତରପ୍ରଦେଶରେ ମଧ୍ୟ କରୋନା ରୋଗୀଙ୍କ ସଂଖ୍ୟା ବୃଦ୍ଧି ହୋଇଛି । ଏଠାରେ 2203ଜଣ ସଂକ୍ରମିତ ହୋଇଥିବାବେଳେ 39ଜଣ ମୃତ୍ୟୁବରଣ କରିଛନ୍ତି। ସେହିପରି ଆନ୍ଧ୍ରପ୍ରଦେଶରେ 31ଜଣଙ୍କର ମୃତ୍ୟୁ ହୋଇଥିବାବେଳେ ତାମିଲନାଡୁରେ 2162ଜଣ ସଂକ୍ରମିତ ରହିଥିବାବେଳେ ମୃତ୍ୟୁବରଣ କରିଛନ୍ତି 27 ଜଣ। ଉତ୍ତରପ୍ରଦେଶରେ କରୋନା ସଂକ୍ରମିତଙ୍କ ସଂଖ୍ୟା 2134ରେ ପହଞ୍ଚିଥିବାବେଳେ 39ଜଣଙ୍କର ଜୀବନ ଯାଇଛି।
ଏତଦ୍ବ୍ୟତୀତ ଆନ୍ଧ୍ରପ୍ରଦେଶରେ 1403 ଜଣ ସଂକ୍ରମିତ ରହିଥିବାବେଳେ ମୃତ୍ୟୁ ବରଣ କଛନ୍ତି 31 ଜଣ। ଆସାମରେ 42ଟି ମାମଲା ଆସିଥିବାବେଳେ ଜଣଙ୍କର ମୃତ୍ୟୁ ହୋଇଛି। ସେହିପରି ବିହାରରେ 418ମାମଲା ଆସିଥିବାବେଳ 2 ଜଣଙ୍କର ମୃତ୍ୟୁ ହୋଇଛି। ହରିୟାଣାର 313ଜଣ ସଂକ୍ରମିତ ରହିଥିବାବେଳେ ତିନିଜଣଙ୍କର ମୃତ୍ୟୁ ହୋଇଛି। ଜମ୍ମୁକାଶ୍ମୀରରେ 614ଟି ମାମଲା ଆସିଥିବା 8 ଜଣଙ୍କ ମୃତ୍ୟୁ ହୋଇଛି। କର୍ଣ୍ଣାଟକରେ 565ଟି ମାମଲା ରହିଥିବାବେଳେ 21 ଜଣଙ୍କର ମୃତ୍ୟୁ ହୋଇଛି। ମେଘାଳୟରେ 12ଟି ମାମଲା ରହିଥିବାବେଳେ ଜଣକର ମୃତ୍ୟୁ ହୋଇଛ । ହିମାଚଳ ପ୍ରଦେଶରେ 40 ଜଣ ସଂକ୍ରମିତ ରହିଥିବାବେଳେ ଜଣଙ୍କର ମୃତ୍ୟୁ ହୋଇଛି। କେରଳରେ ସର୍ବପ୍ରଥମେ କରୋନା ସଂକ୍ରମିତ ରହିଥିବାବେଳେ ଏଠାରେ ଏବେ 497ଟି ମାମଲା ସାମ୍ନାକୁ ଆସିଛି । ଏଠାରେ ଚାରି ଜଣଙ୍କର ମୃତ୍ୟୁ ହୋଇଛି । ଓଡ଼ିଶାରେ 143ଟି ମାମଲା ଆସିଥିବାବେଳେ ଜଣକର ମୃତ୍ୟୁ ହୋଇଛି । ପଞ୍ଜାବରେ 357ଟି ମାମଲା ରହିଥିବାବେଳେ 19ଜଣଙ୍କର ମୃତ୍ୟୁ ହୋଇଛି । ତେଲେଙ୍ଗାନାରେ 1038ଟି ମାମଲା ଆସିଥିବାବେଳେ 26 ଜଣଙ୍କର ମୃତ୍ୟୁ ହୋଇଛି । ପଶ୍ଚିମବଙ୍ଗରେ 795ଟି କେସ୍ ଆସିଥିବାବେଳେ 33ଜଣଙ୍କର ମୃତ୍ୟୁ ହୋଇଛି । ଉତ୍ତରାଖଣ୍ଡରୁ 57ଟି ସଂକ୍ରମିତ ମାମଲା ସାମ୍ନାକୁ ଆସିଛି। ଆଣ୍ଡମାନା ନିକୋବରରୁ 33 ଜଣ ସଂକ୍ରମିତ ରହିଛନ୍ତି । ସେହିପରି ଲଦାଖରେ 22ଜଣ ସଂକ୍ରମିତ ରହିଛନ୍ତି । ମଣିପୁରେ 2 ଜଣ, ତ୍ରିପୁରାରେ 2ଜଣ ସଂକ୍ରମିତ ମିଜୋରାମରେ ଜଣେ ଓ ଗୋଆରେ 7ଜଣ ସଂକ୍ରମିତ ରହିଥିଲେ । ଏବେ ଏହି ଚାରୋଟି ରାଜ୍ୟ କରୋନା ମୁକ୍ତ ହୋଇଛନ୍ତି । (ଏଜେନ୍ସି)
